ថ្លែងបើកសមាជបក្ស, លោក ស៊ី ប្តេជ្ញាតស៊ូប្រឆាំងការបំបែកខ្លួនរបស់ កោះតៃវ៉ាន់

នៅថ្ងៃអាទិត្យទី១៦ខែតុលានេះ ប្រធានាធិបតីចិនលោក ស៊ី ជីនពីង បាននិយាយក្នុងសុន្ទរកថាមួយ អំឡុងពេលបើកសមាជបក្សកុម្មុយនិស្តរយៈពេល៥ឆ្នាំម្តងក្នុងទីក្រុងប៉េកាំងថា ប្រទេសចិន សម្រេចបាននូវការគ្រប់គ្រងទ្រង់ទ្រាយធំលើទីក្រុងហុងកុង ដោយបង្វែរទីក្រុងនេះ ពីភាពវឹកវរទៅជាអភិបាលកិច្ច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ី បន្ថែមថា ប្រទេសចិន ក៏បានធ្វើការតស៊ូដ៏ធំមួយ ប្រឆាំងនឹងការបំបែកខ្លួនរបស់កោះតៃវ៉ាន់ផងដែរ ហើយបានប្តេជ្ញាចិត្តចំពោះបូរណភាពទឹកដី ដោយថ្កោលទោសនូវអ្វីដែលលោកនិយាយថា ជាការជ្រៀតជ្រែកលើកោះដែលគ្រប់គ្រងដោយស្វ័យភាពមួយនេះ។

លោកបានប្តេជ្ញាថា នឹងមានការតស៊ូដ៏ធំប្រឆាំងនឹងការបំបែកខ្លួន និងការជ្រៀតជ្រែកនៅក្នុងបញ្ហាកោះតៃវ៉ាន់។

លោក ស៊ី ក៏បានសាទរចំពោះការគ្រប់គ្រងរបស់គណបក្សកុម្មុយនិស្តផងដែរ នៅឯកិច្ចប្រជុំថ្នាក់ដឹកនាំដ៏សំខាន់ ដែលលោកត្រូវបានគេរំពឹងថានឹងទទួលបានអំណាចអាណត្តិទីបីជាប្រវត្តិសាស្ត្រ៕

ប្រែសម្រួល៖ Vann Vann

ប្រភព៖ CNA

ចុចអាន៖ សមាជជាតិលើកទី២០ របស់គណបក្សកុម្មុយនិស្ត ចិន ចាប់ផ្តើមហើយ