ថៃ នឹងស្នើឲ្យ យូណេស្កូ ដាក់បញ្ចូលព្រះអង្គម្ចាស់ Bhumibol Adulyadej ទៅក្នុងបញ្ជី បុគ្គលឧត្ដុង្គឧត្ដមរបស់ពិភពលោក

ក្រសួងអប់រំថៃ នឹងស្នើឲ្យអង្គការ យូណេស្កូ ដាក់បញ្ចូលព្រះអង្គម្ចាស់ Bhumibol Adulyadej ទៅក្នុងបញ្ជីបុគ្គលឧត្ដុង្គឧត្ដមរបស់ពិភពលោក។

រដ្ឋមន្ត្រីក្រសួងអប់រំ លោកស្រី Trinuch Theinthong បាននិយាយកាលពីថ្ងៃចន្ទទី១៧ខែតុលាថា ក្រសួងរបស់លោកស្រីសង្ឃឹមថា ព្រះអង្គម្ចាស់នឹងត្រូវបានគេគោរពជាសកលចំពោះព្រះរាជកិច្ចដែលទ្រង់បានធ្វើសម្រាប់ប្រជារាស្រ្តរបស់ទ្រង់ ក៏ដូចជាសហគមន៍ពិភពលោកផងដែរ។

លោកស្រីបានលើកឧទាហរណ៍ថា ទស្សនវិជ្ជាសេដ្ឋកិច្ចរបស់ព្រះអង្គម្ចាស់ Bhumibol កំពុងត្រូវបានអនុម័តនៅទូទាំងពិភពលោក។ លោកស្រី Trinuch បន្តថា ក្រសួងរបស់លោកស្រី នឹងអំពាវនាវឲ្យអង្គការអប់រំ វិទ្យាសាស្ត្រ និងវប្បធម៌របស់អង្គការសហប្រជាជាតិ (យូណេស្កូ) ដាក់បញ្ចូលព្រះអង្គម្ចាស់ Bhumibol ទៅក្នុងបញ្ជី មុនថ្ងៃគម្រប់ខួបមួយរយឆ្នាំរបស់ទ្រង់ ដែលនឹងត្រូវប្រារព្ធធ្វើឡើងនៅថ្ងៃទី ៥ខែធ្នូ ឆ្នាំ ២០២៧។

ស្របពេលជាមួយគ្នានោះ លោកបណ្ឌិត Atthapol Sangkhawasi លេខាធិការអចិន្ត្រៃយ៍នៃក្រសួងអប់រំ បាននិយាយថា អង្គការយូណេស្កូ បានពិចារណាឈ្មោះសម្រាប់ដាក់ក្នុងបញ្ជីបុគ្គលឧត្ដុង្គឧត្ដមរបស់ខ្លួនជារៀងរាល់ឆ្នាំ ហើយរហូតមកដល់ពេលនេះ មានឥស្សរជនថៃ ២ អង្គ/នាក់ហើយ ត្រូវបានបញ្ចូលទៅក្នុងបញ្ជី។

កាលពីខែវិច្ឆិកាឆ្នាំមុន យូណេស្កូបានដាក់ព្រះអង្គម្ចាស់ក្សត្រី Galayani Vadhana និងអ្នកនិពន្ធ និងជាអ្នកប្រាជ្ញដ៏ល្បីល្បាញ ឈ្មោះ Phrya Sisunthornwohan ចូលទៅក្នុងបញ្ជីនេះ។

ព្រះនាង Galayani Vadhana ដែលជាព្រះរាម​របស់​ព្រះអង្គម្ចាស់ Bhumibol បាន​សោយ​ទិវង្គត​នៅ​ឆ្នាំ ២០០៨ ក្នុង​ព្រះជន្ម ៨៤ ព្រះវស្សា រីឯព្រះអង្គម្ចាស់ Bhumibol ​បាន​សោយ​ទិវង្គត​នៅ​ថ្ងៃ​ទី​១៣ ខែ​តុលា ឆ្នាំ​២០១៦ ក្នុង​ព្រះជន្ម ៨៨​ព្រះវស្សា៕

ប្រែសម្រួល៖ Vann Vann

ប្រភព៖ Nation

ចុចអាន៖ ថៃ រៀបចំសំណើដាក់ បង្អែមបាយដំណើបស្វាយទុំ ចូលជាបេតិកភណ្ឌ យូណេស្កូ បន្ទាប់ពី Milli ធ្វើរឿងដ៏កក្រើកនៅ អាមេរិក