រឿងមួយកុំធ្វើដាច់ខាត ក្រោយចាក់វ៉ាក់សាំងកូវីដ

អ្នកជំនាញបានព្រមានថា អ្នកដែលចាក់វ៉ាក់សាំងកូវីដហើយគួរតែចៀសវាងការផឹកស្រាព្រោះវាអាចកាត់បន្ថយការឆ្លើយតបប្រព័ន្ធភាពស៊ាំរបស់រាងកាយទៅនឹងវ៉ាក់សាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រឿងស្រវឹងនឹងផ្លាស់ប្តូរធាតុផ្សំនៃមីក្រូសរីរាង្គរាប់ពាន់លានដែលរស់នៅក្នុងពោះវៀនដែលដើរតួយ៉ាងសំខាន់ក្នុងការការពារការលុកលុយពីបាក់តេរីនិងវីរុស។

នេះនាំឲ្យមានការបំផ្លាញកោសិកាភាពស៊ាំនៅក្នុងឈាមដែលត្រូវបានគេស្គាល់ថាជាកោសិកាឈាមសរួមទាំងប្រភេទនៃ Lymphocyte ដែលបញ្ជូនអង្គបដិប្រាណដើម្បីវាយប្រហារវីរុសផងដែរ។

អ្នកឯកទេសវេជ្ជសាស្ត្របន្ទាន់វេជ្ជបណ្ឌិត Ronx Ikharia បានធ្វើការពិសោធន៍មួយដែលពួកគេបានយកសំណាកឈាមមុននិងក្រោយពេលផឹកស្រាProsecco ចំនួនបីកែវ។

វេជ្ជបណ្ឌិត Ikharia អ្នកធ្វើបទបង្ហាញនៃឯកសារ The Truth About… Boosting Your Immune System របស់ទូរទស្សន៍ BBC ដែលចាក់ផ្សាយកាលពីថ្ងៃពុធសប្តាហ៍មុនបានរកឃើញថា ស្រា៣កែវគឺគ្រប់គ្រាន់ដើម្បីបន្ថយកម្រិតកោសិកា Lymphocyte នៅក្នុងឈាមរបស់ពួកគេរហូតដល់៥០ភាគរយ។

ទន្ទឹមនោះ អ្នកវិទ្យាសាស្ត្រផ្នែកប្រព័ន្ធភាពស៊ាំលោកស្រី Sheena Cruickshank នៅសាកលវិទ្យាល័យ Manchester បាននិយាយថា ការកាត់បន្ថយ Lymphocyte អាចបន្ថយប្រសិទ្ធភាពនៃការឆ្លើយតបនៃភាពស៊ាំរបស់រាងកាយ។

ដូច្នេះសាស្រ្តាចារ្យ Cruickshank បានជំរុញឲ្យប្រជាជនជៀសវាងការផឹកស្រានៅក្នុងអំឡុងពេលនៃការចាក់វ៉ាក់សាំងការពារជំងឺកូវីដ១៩៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ ការចាក់វ៉ាក់សាំងលើកទីមួយ កាត់បន្ថយការឆ្លងកូវីដបាន២ភាគ៣

ចុចអាន៖ ​ទោះស្នាក់​នៅ​ផ្ទះក្នុងវិបត្តិ​កូវីដ អ្នកម្តាយដែលមានកូនតូច អាច​ឆ្លៀត​រក​​ចំណូល​សម្រាប់​គ្រួសារបាន