ព័ត៌មានអន្ដរជាតិ
តារាវិទូ រកឃើញអាចម៍ផ្កាយ ដែលនឹងហោះមកបុក ផែនដី (មានវីដេអូ)
ក្រុមតារាវិទូបានរកឃើញ អាចម៍ផ្កាយដែលគេឲ្យឈ្មោះថា “ឃាតកភពផែនដី” ដោយអាចម៍ផ្កាយនេះ ថ្ងៃណាមួយ អាចនឹងវាយប្រហារផែនដី។
អាចម៍ផ្កាយ 2022 AP7 ស្ថិតក្នុងចំណោមកញ្ចុំអាចម៍ផ្កាយជិតផែនដីថ្មីចំនួនបី (NEA) ដែលលាក់ខ្លួននៅក្នុងប្រព័ន្ធព្រះអាទិត្យខាងក្នុង។
ក្រុមតារាវិទូ ពិតជាពិបាកក្នុងការស្វែងរកអាចម៍ផ្កាយនៅក្នុងតំបន់នេះ ដោយសារតែពន្លឺដ៏ខ្លាំងរបស់ព្រះអាទិត្យ។ ទោះបីជាយ៉ាងណាក៏ដោយ ពួកគេអាចស្វែងរក NEA ទាំង៣បាន ដោយសារតែលក្ខខណ្ឌអំណោយផល ក្នុងអំឡុងពេលព្រះអាទិត្យអស្ដង្គត។
ក្នុងចំណោម NEA ទាំងបីដែលបានរកឃើញនោះ, អាចម៍ផ្កាយ 2021 LJ4 និង 2021 PH27 គឺស្ថិតនៅផ្នែកខាងក្នុងនៃគន្លងផែនដី។ ម្យ៉ាងវិញទៀត អាចម៍ផ្កាយ 2022 AP7 ដែលមានទទឹងប្រហែល ១.៥ គីឡូម៉ែត្រ មានគន្លងមួយដែលអាចដាក់វា ឲ្យស្ថិតនៅក្នុងផ្លូវហោះមកបុកផែនដីនៅថ្ងៃណាមួយ ថ្វីបើអ្នកវិទ្យាសាស្ត្រ មិនទាន់អាចបញ្ជាក់ច្បាស់ថានៅពេលណាក៏ដោយ។
លោក Scott S. Sheppard តារាវិទូនៅមន្ទីរពិសោធន៍ផែនដី និងភពនៃវិទ្យាស្ថានវិទ្យាសាស្ត្រ Carnegie និងជាអ្នកនិពន្ធអត្ថបទដែលពិពណ៌នាការងារនេះ បាននិយាយថា “ការស្រាវជ្រាវពេលព្រះអាទិត្យអស្ដង្គតរបស់យើង កំពុងរុករកអាចម៍ផ្កាយក្នុងគន្លងនៃភពផែនដី និងភពសុក្រ។ រហូតមកដល់ពេលនេះ យើងបានរកឃើញអាចម៍ផ្កាយដ៏ធំចំនួនពីរ ដែលស្ថិតនៅជិតផែនដី ជាមួយនឹងទំហំដែលយើងអាចហៅបានថា ឃាតកភពផែនដី”។
លោកបន្តថា “មកទល់បច្ចុប្បន្ន មានតែអាចម៍ផ្កាយដែលស្ថិតនៅគន្លងគោចររបស់ផែនដីទាំងស្រុងប្រហែល ២៥ប៉ុណ្ណោះ ដែលត្រូវបានគេរកឃើញ ព្រោះអ្នកវិទ្យាសាស្រ្តជួបផលលំបាកក្នុងការសង្កេតនៅជិតពន្លឺនៃព្រះអាទិត្យ”។
គួរបញ្ជាក់ថា អ្នកវិទ្យាសាស្ត្រអាចរកឃើញអាចម៍ផ្កាយទាំងនេះបាន ដោយប្រើកាមេរ៉ាថាមពលងងឹត ឬ “DECam” ដែលបំពាក់លើតេឡេស្កុប Víctor M. Blanco នៅមជ្ឈមណ្ឌលសង្កេតការណ៍អន្តរអាមេរិកាំង Cerro Tolo ក្នុងប្រទេសឈីលី៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ FOX
ចុចអាន៖ អាចម៍ផ្កាយគ្រោះថ្នាក់ ទំហំប៉ុន ប៉ម Eiffel កំពុងហោះសំដៅមក ផែនដី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង