Connect with us

ព័ត៌មានអន្ដរជាតិ

អាមេរិកលុបចោលផែនការបញ្ជូននាវាដឹកយន្តហោះចេញពីមជ្ឈិមបូព៌ាជុំវិញការគំរាមកំហែងរបស់អ៊ីរ៉ង់

បានផុស

នៅ

សហរដ្ឋអាមេរិកបានលុបចោលផែនការបញ្ជូននាវាដឹកយន្តហោះរបស់ខ្លួនចេញពីតំបន់មជ្ឈិមបូព៌ាដោយផ្អែកលើអ្វីដែលមន្ទីរបញ្ចកោណពិពណ៌នាថាជាការគំរាមកំហែងពីអ៊ីរ៉ង់ ។ នេះបើយោងតាមលោក Chris Miller រដ្ឋមន្រ្តីក្រសួងការពារជាតិស្តីទីនៅខួបមួយឆ្នាំនៃការធ្វើឃាតឧត្តមសេនីយ៍អ៊ីរ៉ង់ Qasem Soleimani ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Miller បាននិយាយនៅក្នុងសេចក្តីថ្លែងការណ៍មួយដែលត្រូវបានចេញផ្សាយកាលពីល្ងាចថ្ងៃអាទិត្យថា “ដោយសារតែការគំរាមកំហែងថ្មីៗនេះដែលចេញដោយមេដឹកនាំអ៊ីរ៉ង់ប្រឆាំងនឹងប្រធានាធិបតី Trump និងមន្រ្តីរដ្ឋាភិបាលអាមេរិកដទៃទៀត ខ្ញុំបានបញ្ជាឲ្យនាវា USS Nimitz បញ្ឈប់ការធ្វើប្រតិបត្តិការបញ្ជូនទ័ពមកប្រទេសវិញ ។ ឥឡូវនេះនាវា USS Nimitz នឹងនៅតែឈរជើងនៅក្នុងតំបន់ប្រតិបត្តិការកណ្តាលរបស់អាមេរិក” ។

កាលពីដើមខែនេះមន្ទីរបញ្ចកោណបាននិយាយថា នាវា USS Nimitz នឹងវិលត្រឡប់ទៅសហរដ្ឋអាមេរិកវិញ ទោះបីមានភាពតានតឹងកាន់តែខ្លាំងជាមួយអ៊ីរ៉ង់ក៏ដោយ បន្ទាប់ពីបានប្រកាសនៅដើមខែធ្នូ ឆ្នាំ ២០២០ ថា ការវិលត្រឡប់នេះនឹងត្រូវពន្យារពេល ។

នាវា Nimitz ត្រូវបានដាក់ពង្រាយនៅមជ្ឈិមបូព៌ាក្នុងខែមេសា ឆ្នាំ ២០២០ ពីទីក្រុង Puget Sound រដ្ឋ Washington ហើយដំបូងឡើយគ្រោងនឹងវិលត្រឡប់ទៅស្រុកកំណើតវិញមុនដំណាច់ឆ្នាំនេះ ។

ទន្ទឹមនោះថ្មីៗនេះការព្រួយបារម្ភត្រូវបានលើកឡើងទាក់ទងនឹងខួបថ្ងៃទី ៣ ខែមករានៃការសម្លាប់ក្រៅប្រព័ន្ធតុលាការនៃឧត្តមសេនីយ៍អ៊ីរ៉ង់ Qasem Soleimani ដែលអនុវត្តតាមបញ្ជាផ្ទាល់របស់ប្រធានាធិបតីអាមេរិក Donald Trump ។

រដ្ឋាភិបាលក្រុងតេអេរ៉ង់បានចាត់ទុកការសម្លាប់នេះថាជា “អំពើភេរវកម្ម” ហើយបានប្តេជ្ញាថានឹងនាំអ្នកដែលទទួលខុសត្រូវទៅរកយុត្តិធម៌ ។

នៅពេលកាលបរិច្ឆេទនៃការសម្លាប់ជិតមកដល់ទាំងសហរដ្ឋអាមេរិក និងអ៊ីរ៉ង់បានព្រមានគ្នាទៅវិញទៅមក ខណៈដែលលោក Trump បានចោទប្រកាន់អ៊ីរ៉ង់ពីការវាយប្រហារដោយគ្រាប់រ៉ុកកែតទៅលើស្ថានទូតអាមេរិកនៅទីក្រុងបាកដាត ហើយបាននិយាយថា លោកនឹងតបតទៅអ៊ីរ៉ង់វិញ ប្រសិនបើជនជាតិអាមេរិកណាម្នាក់ត្រូវបានសម្លាប់ ខណៈដែលរដ្ឋមន្រ្តីការបរទេសអ៊ីរ៉ង់លោក Javad Zarif បានច្រានចោលការចោទប្រកាន់នេះថាជាការមិនចេះពិចារណា ហើយបានព្រមានប្រធានាធិបតីអាមេរិកវិញថានឹងមានហេតុការណ៍ណាមួយកើតឡើង ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ស្ថានការណ៍រវាងអាមេរិកនិងអ៊ីរ៉ង់កាន់តែមិនស្រួល មុនខួបនៃការធ្វើឃាតមេទ័ព Soleimani

ចុចអាន ៖អាមេរិកបញ្ជូនយន្តហោះទម្លាក់គ្រាប់បែក B-52 ទៅកាន់មជ្ឈិមបូព៌ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ នាទី មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ២៨ នាទី មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៥៥ នាទី មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ១ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

ជីវិតកម្សាន្ដ២ ម៉ោង មុន

កាបូប ៦ម៉ូដែល លក់ដាច់អស់គ្មានសល់ ក្រោយ Lisa ថតបង្ហោះមិនប៉ុន្មានម៉ោង

Sokha Hotels

ព័ត៌មានពេញនិយម