ព័ត៌មានអន្ដរជាតិ
បុគ្គលិកសុខាភិបាលព័រទុយហ្គាល់ ស្លាប់ក្រោយចាក់វ៉ាក់សាំងកូវីដបាន២ថ្ងៃ
បុគ្គលិកសុខាភិបាលព័រទុយហ្គាល់ម្នាក់បានស្លាប់ ២ថ្ងៃបន្ទាប់ពីចាក់វ៉ាក់សាំងការពារជំងឺកូវីដ១៩របស់ក្រុមហ៊ុន Pfizer។
លោកស្រី Sonia Acevedo អាយុ៤១ឆ្នាំបានទទួលមរណភាពនៅឯផ្ទះក្នុងថ្ងៃចូលឆ្នាំថ្មីពោលគឺ៤៨ម៉ោងបន្ទាប់ពីទទួលបានវ៉ាក់សាំង។ ការធ្វើកោសល្យវិច័យត្រូវបានគេរំពឹងថានឹងធ្វើឡើងនៅថ្ងៃនេះឬថ្ងៃស្អែក។
ស្រ្តីកូន២រូបនេះដែលបានធ្វើការផ្នែកពេទ្យកុមារនៅវិទ្យាស្ថានវិជ្ជាសាស្ត្រខាងដុំពកព័រទុយហ្គាល់ (IPO) ក្នុងទីក្រុង Porto មិនត្រូវបានគេនិយាយថា រងផលប៉ះពាល់អវិជ្ជមានណាមួយទេបន្ទាប់ពីទទួលថ្នាំបង្ការ។
ឪពុករបស់លោកស្រី Acevedo ឈ្មោះ Abilio Acevedo បានប្រាប់សារព័ត៌មាន Correio da Manha របស់ព័រទុយហ្គាល់ថា “នាងមិនមានបញ្ហាសុខភាពឡើយ។ នាងចាក់វ៉ាក់សាំងកូវីដប៉ុន្តែនាងមិនមានរោគសញ្ញាអ្វីទាំងអស់។ ខ្ញុំមិនដឹងថាមានអ្វីកើតឡើងទេ។ ខ្ញុំគ្រាន់តែចង់បានចម្លើយប៉ុណ្ណោះ។ ខ្ញុំចង់ដឹងថាតើអ្វីដែលនាំឲ្យកូនស្រីរបស់ខ្ញុំស្លាប់”។
និយោជិករបស់លោកស្រី Acevedo បានបញ្ជាក់ថា ស្ត្រីដែលស្លាប់គឺត្រូវបានគេចាក់វ៉ាក់សាំងប្រឆាំងនឹងមេរោគឆ្លងកាលពីថ្ងៃទី៣០ខែធ្នូហើយនិយាយថា ពួកគេមិនត្រូវបានគេជូនដំណឹងអំពីផលប៉ះពាល់ណាមួយនៅពេលដែលនាងចាក់វ៉ាក់សាំងឬប៉ុន្មានម៉ោងក្រោយមកឡើយ។
បុគ្គលិកសុខាភិបាលរូបនេះគឺជាម្នាក់ក្នុងចំណោមបុគ្គលិក IPO ចំនួន៥៣៨នាក់ដែលបានទទួលវ៉ាក់សាំងរបស់ក្រុមហ៊ុន Pfizer-BioNTech។
ក្រសួងសុខាភិបាលព័រទុយហ្គាល់ក៏ត្រូវបានជូនដំណឹងអំពីរឿងនេះផងដែរ។
ប្រទេសព័រទុយហ្គាល់ដែលមានប្រជាជនត្រឹមតែជាង១០លាននាក់ប៉ុណ្ណោះ បានរាយការណ៍ថាមានមនុស្សស្លាប់ដោយសារជំងឺកូវីដ១៩ចំនួន៧,១១៨នាក់និងឆ្លងជាង៤២៧,០០០ករណី៕
ប្រែសម្រួលដោយ៖ Vann Vann
ប្រភព៖ Daily Mail
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង