អាមេរិក ដាក់ពង្រាយយន្តហោះចម្បាំងល្បឿនលឿនជាងសំឡេង ឆ្លើយតបទៅការបាញ់មីស៊ីលរបស់ កូរ៉េខាងជើង (មានវីដេអូ)

សហរដ្ឋអាមេរិក បានដាក់ពង្រាយយន្តហោះទម្លាក់គ្រាប់បែក និងយន្តហោះចម្បាំងល្បឿនលឿនជាងសំឡេង ដើម្បីឆ្លើយតបទៅនឹងការសាកល្បងមីស៊ីលនាពេលថ្មីៗនេះ កូរ៉េខាងជើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យន្តហោះទម្លាក់គ្រាប់បែកធុន B-1B បានធ្វើសមយុទ្ធលើអាកាសរួមគ្នាកាលពីថ្ងៃអាទិត្យទី២០ខែវិច្ឆិកា ជាមួយយន្តហោះចម្បាំងកូរ៉េខាងត្បូង និងអាមេរិកផ្សេងទៀត។

អគ្គសេនាធិកាកូរ៉េខាងត្បូងបាននិយាយថា សមយុទ្ធនេះ បង្ហាញពីការប្តេជ្ញាចិត្តផ្នែកសន្តិសុខ “រឹងដូចដែកថែប” របស់សហរដ្ឋអាមេរិក ចំពោះកូរ៉េខាងត្បូង និងជំហរការពាររួមគ្នារបស់សម្ព័ន្ធមិត្តទាំង២។

កាលពីថ្ងៃសុក្រ ប្រទេសកូរ៉េខាងជើង បានបង្កឲ្យមានការថ្កោលទោសយ៉ាងខ្លាំងពីអន្តរជាតិ បន្ទាប់ពីខ្លួនបាញ់សាកល្បងមីស៊ីលផ្លោងអន្តរទ្វីប (ICBM) ដែលមានសមត្ថភាពអាចផ្ទុកក្បាលគ្រាប់នុយក្លេអ៊ែរបានច្រើន និងមានរយៈចម្ងាយឆ្ងាយ អាចទៅដល់គ្រប់ទីកន្លែងនៅលើដីគោករបស់សហរដ្ឋអាមេរិក។

មេដឹកនាំកូរ៉េខាងជើង លោក គីម ជុងអ៊ុន បានត្រួតពិនិត្យការសាកល្បងនោះជាមួយកូនស្រីរបស់គាត់។ នោះជាលើកទីមួយហើយ ដែលកូនស្រីរបស់លោក គីម ត្រូវបានគេឃើញជាសាធារណៈ ហើយលោក គីម បានអួតអាងថា មីស៊ីល ICBM គឺជាអាវុធដែលអាចទុកចិត្តបាន និងសមត្ថភាពអតិបរមា ដើម្បីទប់ទល់នឹងការគំរាមកំហែងផ្នែកយោធារបស់សហរដ្ឋអាមេរិក៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ SKY

ចុចអាន៖ មីស៊ីលកូរ៉េ ខាង ជើងបាញ់ព្រឹកមិញ អាចហោះដល់ សហរដ្ឋអាមេរិក