ព័ត៌មានអន្ដរជាតិ
WHO ព្រមានថា ប្រជាជនអ៊ុយក្រែន ត្រូវប្រឈមមុខនឹងរដូវរងា ដែលគំរាមកំហែងដល់អាយុជីវិត (មានវីដេអូ)
នៅថ្ងៃអង្គារទី២២ខែវិច្ឆិកានេះ អង្គការសុខភាពពិភពលោក (WHO) បានព្រមានថា មនុស្សរាប់លាននាក់ក្នុងប្រទេសអ៊ុយក្រែន ត្រូវប្រឈមមុខនឹងរដូវរងាដែលគំរាមកំហែងដល់អាយុជីវិតនៅឆ្នាំនេះ ខណៈរុស្ស៊ី នៅតែបន្តវាយប្រហារលើហេដ្ឋារចនាសម្ព័ន្ធថាមពលរបស់អ៊ុយក្រែន។
ក្នុងរយៈពេលប៉ុន្មានសប្តាហ៍ចុងក្រោយ រុស្ស៊ីបានកំណត់គោលដៅលើហេដ្ឋារចនាសម្ព័ន្ធថាមពលជាមួយនឹងការវាយប្រហារដោយមីស៊ីល រួមទាំងស្ថានីយទឹកស្អាត និងអគ្គិសនីផងដែរ ដោយធ្វើឲ្យផ្ទះសម្បែងទូទាំងប្រទេសគ្មានថាមពលប្រើប្រាស់ ខណៈរដូវរងាបានឈានចូលមកដល់។
លោក Hans Henri Pluge នាយកប្រចាំតំបន់នៅអឺរ៉ុបរបស់ WHO បាននិយាយថា “ពាក់កណ្តាលនៃហេដ្ឋារចនាសម្ព័ន្ធថាមពលរបស់អ៊ុយក្រែន ត្រូវខូចខាត ឬបំផ្លាញ។ នេះបានជះឥទ្ធិពលលើប្រព័ន្ធសុខាភិបាល និងសុខភាពប្រជាជនរួចទៅហើយ”។
លោកបានព្រមានក្នុងសន្និសីទសារព័ត៌មាននៅទីក្រុង កៀវ ថា “រដូវរងានេះនឹងពាក់ព័ន្ធជាមួយការរស់រានមានជីវិត។ បច្ចុប្បន្ន ប្រជាជនអ៊ុយក្រែន ១០ លាននាក់ គ្មានថាមពល”។
WHO បានព្យាករថា ប្រជាជនអ៊ុយក្រែនរហូតដល់ទៅ៣លាននាក់ អាចចាកចេញពីផ្ទះរបស់ពួកគេដើម្បីស្វែងរកកន្លែងកក់ក្តៅ និងសុវត្ថិភាព ខណៈសីតុណ្ហភាពត្រូវបានគេព្យាករថា នឹងធ្លាក់ចុះដល់ -២០ អង្សាសេ នៅក្នុងតំបន់មួយចំនួននៃប្រទេស។
WHO បានកត់ត្រាការវាយប្រហារជាង ៧០០ លើកលើហេដ្ឋារចនាសម្ព័ន្ធសុខភាព ចាប់តាំងពីការលុកលុយរបស់រុស្ស៊ី ចាប់ផ្តើមនៅចុងខែកុម្ភៈ។
កាលពីសប្តាហ៍មុន រុស្ស៊ីបានវាយប្រហារទៅលើស្ថានីយថាមពលបន្ថែមទៀត នៅក្នុងការទម្លាក់គ្រាប់បែកទ្រង់ទ្រាយធំបំផុតមួយ ចាប់តាំងពីផ្ទុះសង្គ្រាម៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Aljazeera
ចុចអាន៖ អង់គ្លេសព្រមានថា សព្វាវុធ ដែល បញ្ជូន ទៅ អ៊ុយក្រែន អាចធ្លាក់ដល់ដៃក្រុមភេរវករ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង