Connect with us

ព័ត៌មានអន្ដរជាតិ

ដ្រូនអ៊ុយក្រែន ហោះចូលជ្រៅ បើកការវាយប្រហារ លើមូលដ្ឋានទ័ពអាកាសរុស្ស៊ី បណ្តាលឲ្យមានមនុស្សស្លាប់

បានផុស

នៅ

ក្រសួងការពារជាតិរុស្ស៊ីបាននិយាយនៅថ្ងៃអង្គារទី០៦ខែធ្នូនេះថា ការវាយប្រហារដោយដ្រូនរបស់អ៊ុយក្រែន លើមូលដ្ឋានទ័ពអាកាសរុស្ស៊ីចំនួនពីរ នៅក្នុងតំបន់ Ryazan និង Saratov បានបណ្តាលឲ្យយោធាចំនួន៣នាក់ស្លាប់ និងបង្កការខូចខាតដល់យន្តហោះ២គ្រឿង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមក្រសួងបានឲ្យដឹងថា ដ្រូនផលិតដោយសូវៀតមួយចំនួន ដែលហោះហើរក្នុងរយៈកម្ពស់ទាប បានកំណត់គោលដៅលើទ្រព្យសម្បត្តិអាកាសចរណ៍យុទ្ធសាស្ត្ររយៈចម្ងាយឆ្ងាយ នៅឯអាកាសយានដ្ឋាន Dyagilevo ក្នុងតំបន់ Ryazan និងអាកាសយានដ្ឋាន Engels ក្នុងតំបន់ Saratov។

នៅពេលដ្រូនទាំងនោះត្រូវបានគេប្រទះឃើញ និងបាញ់ទម្លាក់ដោយប្រព័ន្ធការពារដែនអាកាស កម្ទេចកម្ទីបានធ្លាក់ ធ្វើឲ្យប៉ះពាល់ដល់អាកាសយានដ្ឋាន ហើយយន្តហោះពីរគ្រឿងត្រូវរងការខូចខាត។

យោធា​បី​នាក់​បាន​រង​របួស​ធ្ងន់​ធ្ងរ​ ខណៈ​បួន​នាក់​ទៀត​ ត្រូវ​បាន​បញ្ជូន​ទៅ​មន្ទីរ​ពេទ្យ​យោធា​ដើម្បី​ព្យាបាល។

ពីមុន ដ្រូនរបស់អ៊ុយក្រែន បានវាយប្រហារទីស្នាក់ការកងនាវាសមុទ្រខ្មៅក្នុងទីក្រុង Sevastopol និងបានកំណត់គោលដៅលើកងទ័ពជើងទឹករុស្ស៊ីនៅតំបន់គ្រីមៀ ប៉ុន្តែការវាយប្រហារថ្ងៃអង្គារនេះ បានឈានចូលជ្រៅដល់ក្នុងប្រទេសរុស្ស៊ី។

អាកាសយានដ្ឋាន Dyagilevo មានចម្ងាយជាង ៥០០ គីឡូម៉ែត្រពីទឹកដីដែលគ្រប់គ្រងដោយអ៊ុយក្រែន ខណៈអាកាសយានដ្ឋាន Engels មានចម្ងាយប្រហែល ៧០០ គីឡូម៉ែត្រ។

យោងតាមអ្នកឆ្លើយឆ្លងព័ត៌មានយោធា Aleksandr Kots បានឲ្យដឹងថា ការវាយប្រហារនេះត្រូវបានធ្វើឡើងដោយដ្រូន Tu-141 ដែលដំបូងឡើយត្រូវបានបង្កើតឡើងនៅសហភាពសូវៀតក្នុងទសវត្សរ៍ឆ្នាំ១៩៧០៕

ប្រែសម្រួល៖ Vann Vann

ប្រភព៖ RT

ចុចអាន៖ កងទ័ពរុស្ស៊ី និងបេឡារុស កំពុងហ្វឹកហាត់ដើម្បីប្រយុទ្ធរួមកម្លាំងគ្នាជាធ្លុងមួយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម