Connect with us

ព័ត៌មានអន្ដរជាតិ

ទាហាន ថៃ ប៉ះទង្គិចគ្នាជាមួយក្រុមឈ្មួញគ្រឿងញៀននៅព្រំដែន មីយ៉ាន់ម៉ា ស្លាប់មនុស្ស ១៥នាក់

បានផុស

នៅ

កងយោធាអនុរក្សព្រៃឈើនៃមជ្ឈមណ្ឌលប្រតិបត្តិការកងទ័ពភូមិភាគ៣ (ថៃ) បានធ្វើការពួនស្ទាក់នៅតំបន់ព្រៃ ស្ថិតក្នុងភូមិសាស្ត្រស្រុកហ្វាង ខេត្តឈៀងម៉ៃ កាលពីល្ងាចថ្ងៃទី៧ ខែធ្នូ តាមផែនការបើកការបង្ក្រាបគ្រឿងញៀន បានប្រទះឃើញជនសង្ស័យប្រមាណ ១៥-២០នាក់ កំពុងដើរឆ្លងពីទឹកដីខាងមីយ៉ាន់ម៉ាមកកាន់ភូមិសាស្ត្រខាងលើ ព្រមជាមួយនឹងកាបូបស្ពាយពីក្រោយផង ភ្លាមៗនោះកងយោធាអនុរក្សបានស្ទាក់ហៅឱ្យឈប់ ប៉ុន្តែក្រុមជនសង្ស័យទាំងនោះបានប្រើអាវុធមិនស្គាល់ម៉ាកបើកឆាកបាញ់តដៃគ្នាប្រហែល ១០នាទី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីហេតុការណ៍ប៉ះទង្គិចគ្នាចប់ គេបានពិនិត្យឃើញថា ភាគីយោធាថៃមានសុវត្ថិភាពទាំងអស់ ប៉ុន្តែក្រុមជនសង្ស័យ ១៥នាក់ត្រូវបានស្លាប់ រួមនឹងកាបូបស្ពាយចំនួន២៩ផងដែរ ដែលនៅខាងក្នុងមានផ្ទុកសុទ្ធតែគ្រឿងញៀនប្រភេទមេតំហ្វេតាមីន (មិនទាន់ដឹងចំនួនពិតប្រាកដនៅឡើយ) និងកាំភ្លើងវែង១ដើម និងគ្រាប់បែកដៃឆ្នៃមិនស្គាល់ម៉ាក ១គ្រាប់៕

ប្រែសម្រួល៖ គង់ សំអាន

ប្រភព៖ BBC Thai

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម