ព័ត៌មានអន្ដរជាតិ

ប្រទេសចំនួន ៤០ សន្យាជួយប្រជាជន អ៊ុយក្រែន ឲ្យឆ្លងផុតរដូវរងាឆ្នាំនេះ

បានផុស

៣ years មុន

នៅ

ថ្ងៃពុធ ១៤ ធ្នូ ២០២២

ដោយ

ប្រទេសចំនួន ៤០ បានសន្យាផ្តល់ជំនួយជាង ១ ពាន់លានអឺរ៉ូ ឬប្រហែល ១.១ ពាន់លានដុល្លារជាជំនួយបន្ថែមដល់អ៊ុយក្រែន ដើម្បីជួយប្រជាជនអ៊ុយក្រែនឲ្យឆ្លងផុតរដូវរងាឆ្នាំនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចព្រមព្រៀងនេះធ្វើឡើងនៅក្នុងសន្និសីទជំនួយមួយនៅក្នុងទីក្រុងប៉ារីសកាលពីថ្ងៃអង្គារ ដោយមានការចូលរួមពីនាយករដ្ឋមន្ត្រីអ៊ុយក្រែនលោក Denys Shmyhal ជាមួយគណៈប្រតិភូមកពីជាង ៤០ ប្រទេស ។

រដ្ឋាភិបាលបារាំងនិយាយថា ៤0 ភាគរយនៃជំនួយដែលបានសន្យានេះ នឹងជួយដល់ការស្តារផ្គត់ផ្គង់ថាមពលឡើងវិញ រួមទាំងការផ្តល់ម៉ាស៊ីនភ្លើងផងដែរ ។ ជាមួយគ្នានោះ ក្រុមហ៊ុនឯកជនជាង ៧០០ នៅប្រទេសបារាំងដែលបានចូលរួមក្នុងសន្និសិទ ក៏បានបង្ហាញពីឆន្ទៈក្នុងការជួសជុលស្ពាន និងផ្លូវដែកក្នុងប្រទេសអ៊ុយក្រែនដូចគ្នា ។

បន្ថែមពីនពទៅទៀត រដ្ឋាភិបាលបារាំងមានគម្រោងគាំទ្រកិច្ចខិតខំប្រឹងប្រែងផ្តល់ជំនួយហិរញ្ញវត្ថុដល់អ៊ុយក្រែន ខណៈរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ Bruno Le Maire មានប្រសាសន៍ថា វិស័យសាធារណៈ និងឯកជនបារាំងនឹងរួមគ្នាជួយដល់ការកសាងឡើងវិញរបស់អ៊ុយក្រែន ។

ដោយឡែក នាយកប្រតិបត្តិនៃក្រុមហ៊ុនសំណង់ដ៏ធំរបស់បារាំង បាននិយាយថា ប្រទេសបារាំងអាចដើរតួនាទីសំខាន់ក្នុងដំណើរការកសាងឡើងវិញនូវហេដ្ឋារចនាសម្ព័ន្ធដែលបានខូចខាតទាំងអស់របស់អ៊ុយក្រែន ៕

ប្រែសម្រួលដោយ ៖ រតនៈ

ប្រភព ៖ NHK

ចុចអាន ៖ អភិបាលតំបន់ Luhansk ថា អ៊ុយក្រែន នឹងបើកការវាយលុកពេញមួយរដូវរងានេះ