ព័ត៌មានអន្ដរជាតិ
លោក Biden ជំរុញឲ្យបន្តមានសាមគ្គីភាពលើអ៊ុយក្រែន នៅឆ្នាំ ២០២៣
នៅថ្ងៃព្រហស្បតិ៍ទី២២ខែធ្នូនេះ លោក Joe Biden បានឈរជាមួយលោក Volodymyr Zelensky នៅសេតវិមាន ក្នុងអំឡុងដំណើរទស្សនកិច្ចពេលមានសង្គ្រាមលើកដំបូងរបស់មេដឹកនាំអ៊ុយក្រែន ដើម្បីជំរុញអាមេរិក និងពិភពលោកឲ្យបន្តគាំទ្រទីក្រុង កៀវ នៅឆ្នាំ២០២៣។
សហរដ្ឋអាមេរិកបានបញ្ជូនជំនួយប្រហែល ៥០ ពាន់លានដុល្លារដល់ទីក្រុង កៀវ ខណៈជម្លោះដែនដីដ៏ធំបំផុតរបស់អឺរ៉ុបចាប់តាំងពីសង្គ្រាមលោកលើកទី២មក បានអូសបន្លាយពេល ដោយសម្លាប់មនុស្សរាប់ម៉ឺននាក់ ជំរុញមនុស្សរាប់លាននាក់ចេញពីផ្ទះសម្បែង និងបំផ្លិចបំផ្លាញប្រទេសអ៊ុយក្រែន។
លោក Biden បាននិយាយនៅក្នុងសន្និសីទសារព័ត៌មានមួយថា “នៅពេលយើងឈានចូលឆ្នាំថ្មី វាមានសារសំខាន់ខ្លាំងណាស់សម្រាប់ប្រជាជនអាមេរិក និងសម្រាប់ពិភពលោក ក្នុងការស្តាប់ដោយផ្ទាល់ពីប្រធានាធិបតី អំពីការប្រយុទ្ធរបស់អ៊ុយក្រែន និងតម្រូវការក្នុងការបន្តឈរជាមួយគ្នាពេញមួយឆ្នាំ២០២៣”។
ស្របពេលជាមួយគ្នានោះ លោក Zelensky បានលើកឡើងថា “សហរដ្ឋអាមេរិក នឹងក្រោកឈរឡើងសម្រាប់តម្លៃរួមរបស់យើង តម្លៃនៃសេរីភាព។ ខ្ញុំជឿថា បើទោះបីជាមានការផ្លាស់ប្តូរណាមួយនៅក្នុងសមាសភាពសភាក៏ដោយ ការគាំទ្រនឹងនៅតែរក្សាដដែល”។
ក្នុងដំណើរទៅអាមេរិក លោក Zelensky នឹងត្រូវថ្លែងសុន្ទរកថាក្នុងសម័យប្រជុំរួមគ្នានៃព្រឹទ្ធសភា និងសភាតំណាងសហរដ្ឋអាមេរិក ហើយជួបជាមួយមេដឹកនាំគណបក្សប្រជាធិបតេយ្យ និងសាធារណរដ្ឋនៅទីនោះ។
លោក Zelensky បានអំពាវនាវម្តងហើយម្តងទៀតឲ្យលោកខាងលិច ផ្គត់ផ្គង់សព្វាវុធទំនើបៗចាប់ពីរថក្រោះប្រយុទ្ធទំនើប រហូតដល់ប្រព័ន្ធការពារមីស៊ីល ប៉ុន្តែសម្ព័ន្ធមិត្តលោកខាងលិច ប្រុងប្រយ័ត្នដោយមានបំណងកាត់បន្ថយហានិភ័យនៃការបង្កជម្លោះកាន់តែទូលំទូលាយជាមួយរុស្ស៊ី។
សមាជិកគណបក្សសាធារណរដ្ឋដែលមាននិន្នាការរឹងរូស បានជំរុញឲ្យបញ្ចប់ជំនួយសម្រាប់អ៊ុយក្រែន ជំនួសមកវិញដោយការអំពាវនាវឲ្យមានសវនកម្ម ដើម្បីតាមដានអំពីថាតើ ប្រាក់ដែលបែងចែកពីមុន ត្រូវបានចំណាយតាមរបៀបណា៕
ប្រែសម្រួល៖ Vann Vann
ប្រភព៖ Reuters
ចុចអាន៖ លោក Zelensky នឹងទៅ អាមេរិក ជាដំណើរចេញក្រៅប្រទេសលើកដំបូង ចាប់តាំងពីផ្ទុះសង្គ្រាម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ