លោក ពូទីន ច​ង់បញ្ចប់សង្រ្គាមនៅអ៊ុយក្រែន ឆាប់ៗ

ប្រធានាធិបតី វ្ល៉ាឌីមៀរ ពូទីន បាននិយាយកាលពីថ្ងៃព្រហស្បតិ៍ទី២២ខែធ្នូថា ប្រទេសរុស្ស៊ី ច​ង់បញ្ចប់សង្រ្គាមនៅអ៊ុយក្រែន ហើយថា រឿងនេះនឹងចៀសដំណោះស្រាយការទូត មិនរួចទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពូទីន​បានធ្វើការអត្ថាធិប្បាយបែបនេះ មួយថ្ងៃបន្ទាប់ពីប្រធានាធិបតីអាមេរិកលោក ចូបៃដិន ជួបប្រធានាធិបតីអ៊ុយក្រែនលោក Volodymyr Zelensky នៅសេតវិមានហើយបានសន្យាថា អាមេរិក នឹងបន្តគាំទ្រអ៊ុយក្រែនដោយមិនងាករេ។

លោក ពូទីន លើកឡើងថា “គោលដៅរបស់យើងគឺមិនមែនដើម្បីបង្វិលជម្លោះយោធានោះទេ ប៉ុន្តែផ្ទុយទៅវិញដើម្បីបញ្ចប់សង្រ្គាមនេះ។ យើងនឹងខិតខំបញ្ចប់រឿងនេះ ហើយពិតណាស់ កាន់តែឆាប់កាន់តែល្អ”។

លោកពូទីនបានប្រាប់អ្នកយកព័ត៌មានថា “ខ្ញុំបាននិយាយច្រើនដងមកហើយ ការកើនឡើងនៃអរិភាព គឺនាំទៅរកការខាតបង់ដោយអយុត្តិធម៌”។

បើតាមការឲ្យដឹងពីរុស្ស៊ី, គឺ​អ៊ុយក្រែន​ទេដែល​មិន​ព្រម​ពិភាក្សា ខណៈទីក្រុងកៀវ និយាយថា រុស្ស៊ីត្រូវតែបញ្ឈប់ការវាយប្រហាររបស់ខ្លួន ហើយបោះបង់ចោលទឹកដីទាំងអស់ ដែលខ្លួនបានដណ្តើមយក ជាមុនសិន៕

ប្រែសម្រួល៖ Vann Vann

ប្រភព៖ Alarabiya

ចុចអាន៖ លោក ពូទីន ពន្យល់ហេតុផល នៃការលុបចោលសុន្ទរកថាប្រចាំឆ្នាំ