កងកម្លាំងពិសេសបេឡារុស ប្រារព្ធខួប ជាមួយការបង្ហាញជំនាញអស្ចារ្យ មិនគួរឲ្យជឿ

កងកម្លាំងពិសេសបេឡារុស បានប្រារព្ធខួបលើកទី៦០ តាមរបៀបមិនធម្មតា ដោយពួកគេបានដុតគ្នាទៅវិញទៅមក និងយកញញួរដុតភ្លើង ទៅវាយគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រឹត្តិការណ៍​ខួប​នៃ​កងពលតូច​ពិសេសលេខ៥នេះ ​ត្រូវ​បាន​ប្រារព្ធ​ធ្វើឡើង​ក្នុង​ទីក្រុង Maryina Gorka នៅ​តំបន់កណ្តាល​នៃទីក្រុងមីនស្កិ៍ ​ប្រទេស​បេឡារុស​ កាលពី​ថ្ងៃ​ទី ២៧ ខែ​ធ្នូ។

រូបភាពដ៏គួរឲ្យចាប់អារម្មណ៍ បង្ហាញទាហាន បង្អួតជំនាញរបស់ពួកគេ ក៏ដូចជាការបង្ហាញអាវុធតូចៗ ការប្រយុទ្ធដោយដៃ និងការហ្វឹកហ្វឺនឡើងភ្នំផងដែរ។

ក្រៅពីយុទ្ធសាស្ត្រសាហាវៗ សេចក្តីរាយការណ៍ពីកាសែត Belarus Today បានឲ្យដឹងថា ការប្រារព្ធខួបនេះ ក៏មានការប្រគំតន្ត្រីពិសេស ការបរិភោគបបរ និងផឹកទឹកតែក្តៅៗផងដែរ។

កងពលតូចពិសេសលេខ៥ ត្រូវបានបង្កើតឡើងក្នុងតំបន់ Maryina Gorka នៅថ្ងៃទី១ខែមករា ឆ្នាំ១៩៦៣។ ចាប់តាំងពីខែឧសភា ឆ្នាំ២០០៧មក អង្គភាពយោធានេះ បានក្លាយជាផ្នែកមួយនៃកងកម្លាំងប្រតិបត្តិការពិសេសរបស់កងកម្លាំងប្រដាប់អាវុធបេឡារុស។

នៅថ្ងៃទី២៤ខែកក្កដាឆ្នាំ២០២០ ប្រធានាធិបតីបេឡារុសលោក Alexander Lukashenko បានចុះទៅពិនិត្យកងពលនេះ ដោយនិយាយជាមួយទាហាន និងពិនិត្យមើលអាវុធធុនតូច ដែលប្រើដោយកងកម្លាំងពិសេស៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ រឿងម្យ៉ាង ធ្វើឲ្យពិភពលោក ភ័យខ្លាចថា បេឡារុស នឹងចូលរួមក្នុងសង្គ្រាមអ៊ុយក្រែនឆាប់ៗនេះ