ព័ត៌មានអន្ដរជាតិ

លោក Macron ព្រមានអំពីអនាគតរបស់ ទ្វីបអឺរ៉ុប (មានវីដេអូ)

បានផុស

៣ years មុន

នៅ

ថ្ងៃសុក្រ ២០ មករា ២០២៣

ដោយ

ប្រធានាធិបតីបារាំងលោក Emmanuel Macron បាននិយាយនៅថ្ងៃសុក្រទី២០ខែមករានេះថា អឺរ៉ុបកំពុងស្ថិតក្នុងបញ្ហានៃ “វិបត្តិដែលមិនធ្លាប់មានពីមុនមកសោះ” ជុំវិញជម្លោះអ៊ុយក្រែន។ លោកបន្ថែមថា ទ្វីបនេះ ត្រូវជ្រើសរើសថាតើខ្លួនចង់មានសេរីភាព ឬពឹងផ្អែកទាំងស្រុងលើអាមេរិក ឬចិន។

នៅក្នុងបទសម្ភាសជាមួយកាសែតអេស្ប៉ាញ El Pais, មេដឹកនាំបារាំងរូបនេះ បានកត់សម្គាល់ថា គំរូសេដ្ឋកិច្ចរបស់អឺរ៉ុប កំពុងរងផលប៉ះពាល់យ៉ាងខ្លាំងដោយផលវិបាកដោយផ្ទាល់និងដោយប្រយោលពីសង្រ្គាមនេះ។

នៅក្នុងលក្ខខណ្ឌសេដ្ឋកិច្ច ពិភពលោកត្រូវបានកំណត់ដោយនិន្នាការផ្ទុយគ្នា រវាងសហរដ្ឋអាមេរិកនិងចិន ហើយអឺរ៉ុបមិនទាន់សម្រេចចិត្តថាតើខ្លួនចង់ក្លាយជាអ្នកចំណុះខាងណា ឬត្រូវបន្តដំណើរដោយសេរីភាព និងសាមគ្គីភាពនោះទេ។

ប្រធានាធិបតីបារាំងបានសង្កត់ធ្ងន់ថា ថ្វីបើរហូតមកដល់ពេលនេះ អឺរ៉ុបមិនអាចឆ្លើយតបបានពេញលេញចំពោះសំណួរនេះក៏ដោយ ប៉ុន្តែចម្លើយគឺ អឺរ៉ុបមានអធិបតេយ្យភាពសេដ្ឋកិច្ច បច្ចេកវិទ្យា និងយោធា។ ម្យ៉ាងវិញទៀត អឺរ៉ុបគឺមានឥទ្ធិពល។

ប្រធានាធិបតីបារាំង បានគាំទ្រជាយូរមកហើយក្នុងការបង្កើតសហគមន៍នយោបាយអឺរ៉ុបដ៏តឹងរ៉ឹងមួយ ដែលនឹងចែករំលែកតម្លៃប្រជាធិបតេយ្យ និងសហការយ៉ាងជិតស្និទ្ធក្នុងវិស័យថាមពល ការដឹកជញ្ជូន និងសន្តិសុខ។ លោក Macron ក៏បានទទូចដែរថា អឺរ៉ុបគួរតែកុំសូវពឹងផ្អែកលើអង្គការណាតូពេក និងបន្តស្វ័យភាពយុទ្ធសាស្ត្រពីប្លុកយោធាដែលដឹកនាំដោយអាមេរិកមួយនេះ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ ស្ថានការណ៍មិនស្រួល! បារាំង ដាក់ពង្រាយមន្ត្រីប៉ូលិស ១ម៉ឺននាក់ឲ្យហើយ មុនការប្រកួតយប់នេះ