នាយក​រដ្ឋមន្ត្រី​ថ្មី ​របស់ ​នូវែលសេឡង់​ ជានរណា?

លោក Chris Hipkins នឹង​ក្លាយ​ជា​នាយក​រដ្ឋមន្ត្រី​ថ្មី ​របស់ប្រទេស​នូវែលសេឡង់​។ គាត់គឺ​ជាបេក្ខជនតែ​ម្នាក់​គត់ ដែលឈរឈ្មោះប្រជែងតំណែងភាពជាអ្នកដឹកនាំគណបក្សការងារ ក្រោយលោកស្រី Jacinda Ardern ប្រកាសលាលែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Ardern បានប្រកាសលាលែងពីតំណែងកាលពីថ្ងៃព្រហស្បតិ៍ទី១៩ខែមករា ដោយលើកឡើងពីភាពហត់នឿយបន្ទាប់ពីបំពេញការងារអស់រយៈពេល៥ឆ្នាំកន្លះ។

លោក Chris Hipkins នឹងក្លាយជានាយករដ្ឋមន្ត្រីទី៤១ របស់នូវែលសេឡង់។

ខាងក្រោមនេះគឺជាព័ត៌មានត្រួសៗអំពីលោក Chris Hipkins៖

• លោកកើតនៅថ្ងៃទី៥ខែកញ្ញាឆ្នាំ១៩៧៨ ក្នុងទីក្រុង Wellington
• ចូលសភាក្នុងឆ្នាំ២០០៨ រួមជាមួយលោកស្រី Ardern
• សមាជិកសភាសម្រាប់មណ្ឌល Remutaka នៅតំបន់ភាគខាងជើងជាយក្រុង Wellington ដែលជាកន្លែងគាត់ធំធាត់ឡើង
• សិក្សាផ្នែកនយោបាយ និងឧក្រិដ្ឋកម្មនៅសាកលវិទ្យាល័យ Victoria University of Wellington ដែលនៅទីនោះ គាត់គឺជាប្រធាននិស្សិត
• ជាបុគ្គលិករបស់អតីតនាយករដ្ឋមន្ត្រី Helen Clark
• ចំណាយពេល៩ឆ្នាំក្នុងគណបក្សប្រឆាំង ហើយនៅពេលរដ្ឋាភិបាលឈ្នះឆ្នោតក្នុងឆ្នាំ២០១៧ គាត់ត្រូវបានតែងតាំងជារដ្ឋមន្ត្រីក្រសួងអប់រំ និងជាមេដឹកនាំសភា ដោយលោកស្រី Ardern
• ក្លាយជារដ្ឋមន្ត្រីសុខាភិបាលនិងកូវីដ-១៩ ក្នុងឆ្នាំ២០២០ ដោយដើរតួនាទីលេចធ្លោក្នុងការប្រយុទ្ធប្រឆាំងនឹងជំងឺរាតត្បាត
• ផ្លាស់​ទៅ​ជា​រដ្ឋមន្ត្រី​ប៉ូលិស​នៅ​ឆ្នាំ​ដដែល ដោយសារ​ក្តី​កង្វល់​​កើន​ឡើងខ្លាំង​ចំពោះ​ច្បាប់ និង​សណ្ដាប់ធ្នាប់
• រៀបការជាមួយភរិយាឈ្មោះ Jade នៅឯគេហដ្ឋានផ្លូវការរបស់នាយករដ្ឋមន្ត្រីក្នុងឆ្នាំ ២០២០
• មានកូន២នាក់ កូនប្រុសអាយុ៦ឆ្នាំនិងកូនស្រីអាយុ៤ឆ្នាំ

ប្រែសម្រួល៖ Vann Vann

ប្រភព៖ Daily Mail

ចុចអាន៖ លោកស្រី Jacinda Ardern ប្រកាសលាលែងតំណែងជា នាយករដ្ឋមន្ត្រីនូវែលសេឡង់