Connect with us

ព័ត៌មានអន្ដរជាតិ

ប្រភពមួយទម្លាយថា សមាជិកណាតូ បានផ្តល់យន្តហោះចម្បាំងឲ្យអ៊ុយក្រែន ដោយសម្ងាត់ (មានវីដេអូ)

បានផុស

នៅ

ដោយដកស្រង់ប្រភពមួយ កាសែតក្នុងស្រុកបានរាយការណ៍ថា នៅនិទាឃរដូវឆ្នាំ២០២២ ប្រទេសប៉ូឡូញបានបញ្ជូនយន្តហោះចម្បាំង MiG-29 ជាច្រើនគ្រឿងទៅឲ្យអ៊ុយក្រែនដោយសម្ងាត់ ថ្វីបើរដ្ឋាភិបាលទីក្រុងវ៉ាសូវី បដិសេធកិច្ចព្រមព្រៀងបែបនេះក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមកាសែត ​Dziennik Gazeta Prawna (DGP), យន្តហោះទាំងនោះមិនមែនបញ្ជូនទៅទាំងមូលនោះទេ ពោលគឺបញ្ជូនដោយផ្នែកៗ ហើយប្រកាសថាជាគ្រឿងបន្លាស់។

ដោយដកស្រង់ប្រភពនៅក្នុងរដ្ឋាភិបាលប៉ូឡូញ កាសែត DGP បានចុះផ្សាយកាលពីថ្ងៃព្រហស្បតិ៍ទី២៦ខែមករាថា “តួយន្តហោះ និងស្លាប ក៏ត្រូវបានបញ្ជូនក្រោមលេសបិទបាំងថាជាគ្រឿងបន្លាស់ផងដែរ”។

កាលពីខែមីនាឆ្នាំ២០២២, ទីក្រុងវ៉ាស៊ីនតោន បានច្រានចោលផែនការផ្ទេរយន្តហោះចម្បាំងប៉ូឡូញ MiG-29 ទៅឲ្យអ៊ុយក្រែន ដោយបញ្ជាក់ថា ទង្វើបែបនេះនឹងបង្កឲ្យមានភាពតានតឹងខ្លាំងបំផុត ហើយប្រថុយធ្វើឲ្យសហរដ្ឋអាមេរិក ឬសម្ព័ន្ធមិត្តណាតូ ជាប់ពាក់ព័ន្ធដោយផ្ទាល់នៅក្នុងជម្លោះ ដែលអាចបង្កឲ្យមានការប្រឈមមុខដាក់គ្នាដោយផ្ទាល់ជាមួយរុស្ស៊ី។

ទោះបីជាយ៉ាងណាក៏ដោយ នៅខែមេសា មន្ទីរបញ្ចកោណនិយាយថា សម្ព័ន្ធមិត្តអាមេរិកដែលមិនបញ្ចេញឈ្មោះ បានជួយជំរុញកងនាវាចម្បាំងរបស់អ៊ុយក្រែន ដោយការបរិច្ចាគគ្រឿងបន្លាស់ ដែលត្រូវបានប្រើដើម្បីជួសជុលយន្តហោះខូចជាច្រើនគ្រឿងរបស់ទីក្រុង កៀវ។

ប្រធានាធិបតីអ៊ុយក្រែនលោក Volodymyr Zelensky

សេចក្តីរាយការណ៍នេះកើតឡើង ចំពេលប្រធានាធិបតីអ៊ុយក្រែនលោក Volodymyr Zelensky បានប្រកាសថា លោកក៏ចង់ឲ្យសម្ព័ន្ធមិត្តណាតូ បញ្ជូនមីស៊ីលរយៈចម្ងាយឆ្ងាយ និងយន្តហោះចម្បាំងជំនាន់ទី៤ បន្ទាប់ពីទទួលបានរថក្រោះទំនើប។

នៅក្នុងសុន្ទរកថាពេលរាត្រី លោក Zelensky លើកឡើងថា “ខ្ញុំបាននិយាយជាមួយអគ្គលេខាធិការអង្គការណាតូ លោក Jens Stoltenberg នៅថ្ងៃនេះ។ យើងក៏ត្រូវតែបញ្ជូនមីស៊ីលរយៈចម្ងាយឆ្ងាយទៅកាន់អ៊ុយក្រែនផងដែរ។ នោះជារឿងសំខាន់ យើងត្រូវតែពង្រីកកិច្ចសហប្រតិបត្តិការរបស់យើង។ នេះគឺជាសុបិន ហើយនេះគឺជាកិច្ចការមួយ”៕

សូមទស្សនាវីដេអូ៖

ប្រែសម្រួល៖​ Vann Vann

ប្រភព៖ RT

ចុចអាន៖ បន្ទាប់ពីរថក្រោះ ឥឡូវ អ៊ុយក្រែន ចង់បានយន្តហោះចម្បាំង និង មីស៊ីលរយៈចម្ងាយឆ្ងាយ ទៀត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៥ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម