ព័ត៌មានអន្ដរជាតិ
ក្រុមតារាវិទូរកឃើញព្រះច័ន្ទ ១២ បន្ថែមទៀតជុំវិញភពព្រហស្បតិ៍
ក្រុមអ្នកវិទ្យាសាស្ត្រសង្កេតតារានៃវិទ្យាស្ថាន Carnegie បានរកឃើញព្រះច័ន្ទចំនួន ១២ បន្ថែមទៀតកំពុងគោចរជុំវិញភពព្រហស្បតិ៍ក្នុងប្រព័ន្ធព្រះអាទិត្យ ដែលនាំឲ្យចំនួនព្រះចន្ទសរុបកើនដល់ ៩២ ជុំវិញភពឧស្ម័នយក្សមួយនេះ ។
ការរកឃើញនេះត្រូវបានធ្វើឡើងក្នុងអំឡុងពេលសង្កេតដោយតារាវិទូ Scott Sheppard និងក្រុមរបស់លោក ។ ក្រុមរបស់លោកបានប្រើតេឡេស្កុប Subaru នៅរដ្ឋហាវ៉ៃក្នុងខែកញ្ញា ឆ្នាំ ២០២១ និងកាមេរ៉ាថាមពលងងឹតដែលបំពាក់លើតេឡេស្កុប Blanco នៅឯទីតាំថ Cerro Tololo Inter-American Observatory ក្នុងប្រទេសឈីលីក្នុងខែសីហា ឆ្នាំ ២០២២ ។
ការតាមដានសម្រាប់ព្រះច័ន្ទថ្មីទាំង ១២ នេះ ត្រូវចំណាយពេលប្រហែលមួយឆ្នាំដើម្បីបញ្ជាក់ និងធ្វើការសង្កេត ហើយក្រុមការងារបានប្រើប្រាស់តេលេស្កុប Magellan នៅក្នុងប្រទេសឈីលី ដើម្បីធ្វើការងារមួយនេះ ។
លោក Sheppard និងក្រុមរបស់លោកជឿថា ព្រះច័ន្ទទាំងនេះ គឺជាសំណល់នៃព្រះច័ន្ទធំជាងចំនួន ៧ ដែលបានបំបែកចេញពីគ្នា នៅពេលដែលពួកវាបានបុកជាមួយព្រះច័ន្ទ, អាចម៍ផ្កាយ ឬផ្កាយដុះកន្ទុយផ្សេងទៀតដែលនាំទៅដល់ការបង្កើតព្រះច័ន្ទតូចៗរាប់រយជាច្រើន ។
ទោះយ៉ាងណាមកដល់ពេលនេះ មិនទាន់មានព្រះច័ន្ទណាមួយមានឈ្មោះនៅឡើយទេ ចាប់តាំងពីការរកឃើញមក ប៉ុន្តែមជ្ឈមណ្ឌល Minor Planet នឹងកំណត់លេខនៃព្រះចន្ទនីមួយៗក្នុងរយៈពេលប៉ុន្មានខែខាងមុខនេះ ។
មកដល់ពេលនេះ ក្រុមរបស់លោក Scott Sheppard ក៏កំពុងតាមដានព្រះច័ន្ទបន្ថែមជាច្រើនទៀតនៅជុំវិញភពសៅរ៍ផងដែរ ប៉ុន្តែពួកគេពិបាកកំណត់ទីតាំងទាំងនោះណាស់ ព្រោះភពនេះនៅឆ្ងាយពីផែនដីពេក ។
ជាចុងក្រោយក្រុមអ្នកវិទ្យាសាស្ត្រជឿថា ទាំងភពអ៊ុយរ៉ានុស និងណិបទូន ក៏មានព្រះច័ន្ទតូចៗមួយចំនួនធំដែរ ប៉ុន្តែភពទាំងនោះមានរយៈចំងាយឆ្ងាយពេក ពិបាកក្នុងការតាមដានស្វែងរកព្រះច័ន្ទថ្មីៗជុំវិញភពនេះណាស់ ៕
ប្រែសម្រួលដោយ ៖ នាង រតនៈ
ប្រភព ៖ CNN
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង