ព័ត៌មានអន្ដរជាតិ
កុមារកាន់តែច្រើន ត្រូវបានជួយសង្គ្រោះពីក្រោមគំនរថ្ម ក្រោយរយៈពេល ៦ថ្ងៃ
ក្រុមអ្នកជួយសង្គ្រោះក្នុងប្រទេសតួកគី និងស៊ីរី បានបន្តទាញក្មេងៗនៅរស់ចេញពីគំនរបាក់បែក ពោលគឺមានរយៈពេលប្រាំមួយថ្ងៃ បន្ទាប់ពីគ្រោះរញ្ជួយដីដ៏បំផ្លិចបំផ្លាញ។
គិតត្រឹមរសៀលថ្ងៃចន្ទទី១៣ខែកុម្ភៈ មានមនុស្សជាង៣ម៉ឺននាក់ហើយដែលបានស្លាប់ និង៩៣០០០នាក់ទៀតរងរបួស ចាប់តាំងពីការរញ្ជួយដីដ៏ធំចំនួនពីរលើក ដែលមួយលើកមានកម្រិតដល់ទៅ៧.៨រ៉ិចទ័រ បានវាយប្រហារតំបន់ព្រំដែនរវាងប្រទេសទាំងពីរកាលពីថ្ងៃចន្ទសប្តាហ៍មុន។
ជារឿងដ៏គួរឲ្យភ្ញាក់ផ្អើល ក្មេងៗជាច្រើន ដែលខ្លះមានអាយុត្រឹម៧ខែ ត្រូវបានទាញចេញពីអគារបាក់រលំកាលពីចុងសប្តាហ៍ ដោយក្នុងនោះមានខ្លះបានស៊ូទ្រាំរហូតដល់១៥០ម៉ោងនៅក្រោមគំនរថ្ម។
កុមារីម្នាក់ឈ្មោះ Cudi អាយុ១០ឆ្នាំ ត្រូវបានទាញចេញពីចន្លោះដ៏តូចចង្អៀតនៅក្នុងខេត្ត Hatay ភាគខាងត្បូងប្រទេសតួកគី។ នាងបានជាប់ក្រោមគំនរថ្មអស់រយៈពេល១៤៧ម៉ោងមកហើយ។
នៅកន្លែងផ្សេងក្នុងខេត្តដដែលនេះ ទារកអាយុប្រាំពីរខែឈ្មោះ Hamza ត្រូវបានទាញចេញពីគំនរបាក់បែកកាលពីថ្ងៃសៅរ៍ ហើយនៅថ្ងៃអាទិត្យ កុមារីអាយុ២ឆ្នាំម្នាក់ត្រូវបានជួយសង្គ្រោះពីកម្ទេចកម្ទី និងបានផ្តល់អុកស៊ីសែនដើម្បីជួយដល់ការដកដង្ហើម។
ចំណែកនៅកណ្តាលខេត្ត Hatay បុរសម្នាក់ និងកូនស្រីអាយុប្រាំឆ្នាំរបស់គាត់ឈ្មោះ Emira ក៏ត្រូវបានជួយសង្គ្រោះពីអគារដែលបាក់រលំផងដែរ។
វេជ្ជបណ្ឌិត Jarone Lee អ្នកជំនាញផ្នែកសង្គ្រោះបន្ទាន់ និងគ្រោះមហន្តរាយនៅមន្ទីរពេទ្យ Massachusetts General Hospital បាននិយាយថា “ជាធម្មតា គេកម្រនឹងរកឃើញអ្នកនៅរស់រានមានជីវិតណាស់បន្ទាប់ពីថ្ងៃទី៥ដល់ថ្ងៃទី៧នៃការជាប់ក្រោមអគារបាក់បែក ហើយក្រុមស្វែងរក និងជួយសង្គ្រោះភាគច្រើននឹងពិចារណាបញ្ឈប់ប្រតិបត្តិការនៅពេលនោះ។ ប៉ុន្តែនៅតែមានរឿងអស្ចារ្យកើតឡើង ដែលមនុស្សមួយចំនួនអាចបន្តរស់ ក្រោយផុតរយៈពេលនេះ”៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ មនុស្សជិត១០០នាក់ លួចប្លន់ និងបោកប្រាស់អ្នកនៅរស់ពីគ្រោះរញ្ជួយដី ក្នុងប្រទេសតួកគី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង