Connect with us

ព័ត៌មានអន្ដរជាតិ

មនុស្សជិត១០០នាក់ លួចប្លន់ និងបោកប្រាស់អ្នកនៅរស់ពីគ្រោះរញ្ជួយដី ក្នុងប្រទេសតួកគី

បានផុស

នៅ

ទីភ្នាក់ងារព័ត៌មានរដ្ឋរបស់ប្រទេសតួកគី Anadolu បានរាយការណ៍ថា មនុស្សចំនួន៩៨នាក់ ត្រូវបានកងកម្លាំងសន្តិសុខចាប់ខ្លួន ជុំវិញការចោទប្រកាន់ថា បានចូលលួចក្នុងអគារដែលខូចខាត រួមទាំងការប្លន់ឬបោកប្រាស់អ្នករស់រានមានជីវិតពីគ្រោះរញ្ជួយដីផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពសន្តិសុខបានប្រាប់កាសែតនេះថា ការស៊ើបអង្កេតត្រូវបានធ្វើឡើងទៅលើជនសង្ស័យយ៉ាងតិច៤២នាក់នៅក្នុងខេត្ត Hatay ភាគខាងត្បូងប្រទេសតួកគី ពាក់ព័ន្ធការលួច។

មនុស្ស៤០នាក់ទៀត ត្រូវបានចាប់ខ្លួន ហើយក្រុមសន្តិសុខបានរឹបអូសកាំភ្លើងខ្លីចំនួន៦ដើម កាំភ្លើងវែង៣ដើម គ្រឿងអលង្ការ កាតធនាគារ និងសាច់ប្រាក់មួយចំនួនធំ ពីជនសង្ស័យ។

មនុស្ស២នាក់ផ្សេងទៀត ត្រូវបានចាប់ខ្លួនបន្ទាប់ពីបន្លំជាបុគ្គលិកជំនួយ ហើយព្យាយាមលួចរថយន្តដឹកជំនួយស្បៀងអាហារចំនួន៦គ្រឿង ខណៈ៦នាក់ផ្សេងទៀត ត្រូវចាប់ខ្លួននៅក្នុងទីក្រុងអ៊ីស្តង់ប៊ុល ជុំវិញការចោទប្រកាន់ថាបានបោកប្រាស់ជនរងគ្រោះតាមទូរស័ព្ទ។

ស្របពេលជាមួយគ្នានោះដែរ មន្ត្រីតួកគីបានឃាត់ខ្លួន ឬចេញដីកាចាប់ខ្លួនចំពោះអ្នកជាប់ពាក់ព័ន្ធក្នុងការសាងសង់អគារដែលបាក់រលំ និងសង្កត់ម្ចាស់កម្មសិទ្ធិក្នុងគ្រោះរញ្ជួយដីសម្លាប់មនុស្សកាលពីសប្តាហ៍មុន។ មនុស្សប្រហែល១៣០នាក់ត្រូវបានចោទប្រកាន់ថា ជាប់ពាក់ព័ន្ធក្នុងការសាងសង់អគារដែលដួលរលំ៕

ប្រែសម្រួល៖ Vann Vann

ប្រភព៖ SKY

ចុចអាន៖ តួកគី ចាប់ខ្លួនអ្នកម៉ៅការសំណាង់ជាង១០០នាក់ បន្ទាប់ពីគ្រោះរញ្ជួយដី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៥ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម