ព័ត៌មានអន្ដរជាតិ

លោក Wang Yi នឹងអញ្ជើញទៅ រុស្ស៊ី និងប្រទេសអឺរ៉ុប ៣ ផ្សេងទៀត

បានផុស

៣ years មុន

នៅ

ថ្ងៃចន្ទ ១៣ កុម្ភៈ ២០២៣

ដោយ

អ្នកនាំពាក្យក្រសួងការបរទេសចិន លោក Wang Wenbin បាននិយាយនៅថ្ងៃចន្ទនេះថា ប្រធានការិយាល័យគណៈកម្មាធិការកិច្ចការបរទេសនៃគណៈកម្មាធិការមជ្ឈិមបក្សកុម្មុយនិស្តចិន (CCP) លោក Wang Yi នឹងធ្វើទស្សនកិច្ចទៅកាន់ប្រទេសរុស្ស៊ីនាពេលខាងមុខនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Wang Wenbin បញ្ជាក់ទៀតថា ក្រៅពីធ្វើដំណើរទស្សនិច្ចនៅប្រទេសរុស្ស៊ី, លោក Wang Yi ក៏នឹងអញ្ជើញទៅប្រទេសបារាំង អ៊ីតាលី និងហុងគ្រី ផងដែរ ចាប់ពីថ្ងៃទី១៤ ដល់ថ្ងៃទី២២ ខែកុម្ភៈនេះ ។

អ្នកនាំពាក្យរូបនេះបានឲ្យដឹងទៀតថា “តបតាមការអញ្ជើញរបស់រដ្ឋាភិបាលនៃប្រទេសបារាំង អ៊ីតាលី ហុងគ្រី និងរុស្ស៊ី លោក Wang Yi នឹងធ្វើទស្សនកិច្ចនៅប្រទេសអឺរ៉ុបទាំងនេះ ខណៈក្រសួងការបរទេសចិនមិនបានបញ្ជាក់ពីកាលបរិច្ឆេទជាក់លាក់នៃដំណើរទស្សនកិច្ចក្នុងប្រទេសនីមួយៗនោះទេ ។

បើតាមអ្នកនាំពាក្យក្រសួងការបរទេសចិនខាងលើគ្រាន់តែបានប្រកាសថា ដំណើរទស្សនកិច្ចទៅកាន់ប្រទេសអាល្លឺម៉ង់គឺលោក Wang Yi នឹងចូលរួមសន្និសីទសន្តិសុខលើកទី ៥៩ ក្នុងទីក្រុង Munich ឯកាលបរិច្ឆេទនៅថ្ងៃណានោះ ខាងក្រសួងមិនទាន់បញ្ជាក់បាននៅឡើយទេ ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ អាមេរិក ដាក់ក្រុមហ៊ុនបច្ចេកវិទ្យា ចិន ចំនួន ៦ ចូលក្នុងបញ្ជីខ្មៅ ពាក់ព័ន្ធករណីបាឡុងហោះ