ក្រុមហ៊ុន Nestlé គ្រោងបិទរោងចក្រ និងការិយាល័យនៅ មីយ៉ាន់ម៉ា

ប្រភពព័ត៌មានបានឲ្យដឹងថា ក្រុមហ៊ុន Nestlé ដែលជាក្រុមហ៊ុនចំណីអាហារដ៏ធំមកពីប្រទេសស្វីស គ្រោងនឹងបិទការផលិតរបស់ខ្លួនទាំងអស់នៅក្នុងប្រទេសមីយ៉ាន់ម៉ា។ Nestlé គឺជាក្រុមហ៊ុនចុងក្រោយគេបង្អស់ដែលបានសម្រេចចិត្តដកខ្លួនចេញពីមីយ៉ាន់ម៉ាបន្ទាប់ពីរដ្ឋប្រហារយោធាឆ្នាំ២០២១។ នេះបើយោងតាមការឲ្យដឹងពីអ្នកនាំពាក្យរបស់ក្រុមហ៊ុនកាលពីថ្ងៃទី២៧ ខែកុម្ភៈ។

ប្រទេសមីយ៉ាន់ម៉ាបានធ្លាក់ក្នុងភាពចលាចលចាប់តាំងពីកងទ័ពធ្វើរដ្ឋប្រហារដណ្តើមអំណាចពីរដ្ឋាភិបាលស៊ីវិលឆ្នាំ២០២១ បណ្តាលឱ្យសេដ្ឋកិច្ចធ្លាក់ចុះ។ ចាប់តាំងពីពេលនោះមក ក្រុមហ៊ុនបរទេសធំៗជាច្រើនបានដកខ្លួនចេញពីប្រទេសមួយនេះជាបន្តបន្ទាប់។

ដោយសារស្ថានភាពសេដ្ឋកិច្ចក្នុងពេលបច្ចុប្បន្ន ក្រុមហ៊ុន Nestlé នៅក្នុងទីក្រុងយ៉ាំងហ្គោន រួមទាំងការិយាល័យកណ្តាលរបស់ខ្លួន នឹងបិទដំណើរការដោយគ្មានការកំណត់ពេលវេលា។ ក្រុមហ៊ុន Nestlé គឺជាក្រុមហ៊ុនចែកចាយកាហ្វេ NESCAFÉ Maggie និងភេសជ្ជៈ Chocolate milo នៅប្រទេសមីយ៉ាន់ម៉ា៕

ប្រែសម្រួល៖ គង់ សំអាន

ប្រភព៖ Mgronline

ចុចអាន៖ បង្ហាញបញ្ជីកាន់កាប់ភាគហ៊ុនរាប់ពាន់លានបាតរបស់បេក្ខភាពនាយករដ្ឋមន្ត្រីគណបក្សភឿថៃ ២រូប

ចុចអាន៖ យោធា មីយ៉ាន់ម៉ា បន្តទទួលបានប្រេងសាំងចាក់យន្តហោះចម្បាំង ទោះមាន​ការវាយប្រហារសម្លាប់ជនស៊ីវិល