ព័ត៌មានអន្ដរជាតិ
ចារកម្មអាមេរិក ព្រួយបារម្ភអំពីហានិភ័យបង្កឡើងដោយ រុស្ស៊ី (មានវីដេអូ)
ចារកម្មកំពូលរបស់អាមេរិកជឿថា រុស្ស៊ីមិនចង់បានការប្រឈមមុខដាក់គ្នាខាងយោធាដោយផ្ទាល់ជាមួយអង្គការណាតូទេ ប៉ុន្តែមានសក្តានុពលធ្វើឲ្យជម្លោះក្នុងប្រទេសអ៊ុយក្រែនកើនឡើងខ្លាំង។ នេះបើយោងតាមការវាយតម្លៃការគំរាមកំហែងប្រចាំឆ្នាំ ដែលប្រគល់ជូនព្រឹទ្ធសភាដោយប្រធានចារកម្មកាលពីថ្ងៃពុធទី០៨ខែមីនា។
យោងតាមរបាយការណ៍វាយតម្លៃការគំរាមកំហែងប្រចាំឆ្នាំ២០២៣ បានឲ្យដឹងថា “រហូតមកដល់ពេលនេះ មេដឹកនាំរុស្ស៊ីបានចៀសវាងសកម្មភាពដែលនឹងពង្រីកជម្លោះអ៊ុយក្រែនហួសពីព្រំដែនរបស់អ៊ុយក្រែន ប៉ុន្តែហានិភ័យសម្រាប់ការកើនឡើងអរិភាព នៅតែមានគួរឲ្យកត់សម្គាល់”។
ដោយចងក្រងក្នុងខែកុម្ភៈ ការវាយតម្លៃនេះត្រូវបានបង្ហាញជាសាធារណៈកាលពីថ្ងៃពុធ នៅឯសវនាការប្រចាំឆ្នាំរបស់គណៈកម្មាធិការស៊ើបការណ៍ព្រឹទ្ធសភា ស្តីពីការគំរាមកំហែងជាសកល។
ស្របពេលជាមួយគ្នានោះ នាយកទីភ្នាក់ងារចារកម្មជាតិលោកស្រី Avril Haines បានចាត់ទុកប្រទេសចិនថាជា អាទិភាពដែលមិនអាចប្រៀបផ្ទឹមបាននៃអ្នកស៊ើបការណ៍អាមេរិក។ នាយក CIA, FBI, NSA, និងទីភ្នាក់ងារស៊ើបការណ៍សម្ងាត់ការពារជាតិ (DIA) ក៏បានផ្តល់សក្ខីកម្មនៅក្នុងសវនាការនេះផងដែរ។
ក្នុងរបាយការណ៍៤០ទំព័រនេះ មាន៤ទំព័រគឺទាក់ទងនឹងប្រទេសរុស្ស៊ី។ វានិយាយទាំងអំពីជម្លោះនៅអ៊ុយក្រែន និងតួនាទីរបស់ទីក្រុងមូស្គូនៅតំបន់អាស៊ីកណ្តាល អាហ្រ្វិក និងអាមេរិកឡាទីន។
ទោះបីជារបាយការណ៍នេះ បានចោទប្រកាន់រុស្ស៊ីពីការវាយលុកមិនសមហេតុផល នៅក្នុងប្រទេសអ៊ុយក្រែនក៏ដោយ ប៉ុន្តែនៅក្នុងកថាខណ្ឌមួយចំនួន វាទទួលស្គាល់ថា ទីក្រុងមូស្គូបានធ្វើសកម្មភាពដោយសារតែខ្លួនយល់ថា ការគំរាមកំហែងដែលមានស្រាប់ អាចបង្កគ្រោះថ្នាក់ដល់សន្តិសុខជាតិរបស់រុស្ស៊ី។
អ្នកស៊ើបការណ៍អាមេរិកជឿថា កងកម្លាំងជើងគោករបស់រុស្ស៊ីត្រូវចុះខ្សោយ ដោយសារសង្គ្រាម និងការបរាជ័យផ្នែកយោធានៅអ៊ុយក្រែន ដែលនឹងបង្ខំឲ្យទីក្រុងមូស្គូពឹងផ្អែកលើការគំរាមនុយក្លេអ៊ែរដ៏សំខាន់របស់ខ្លួន។
ការខាតបង់នៅអ៊ុយក្រែននឹងទាមទារឲ្យមានការកសាងឡើងវិញរយៈពេលច្រើនឆ្នាំ ដែលធ្វើឲ្យប្រទេសរុស្ស៊ីមិនសូវមានសមត្ថភាពក្នុងការគំរាមកំហែងផ្នែកយោធាចំពោះសន្តិសុខអឺរ៉ុប។
ទោះបីជាយ៉ាងណាក៏ដោយ អ្នកស៊ើបការណ៍អាមេរិកក៏បានវាយតម្លៃដែរថា ទីក្រុងមូស្គូនឹងបន្តបង្កើតឥទ្ធិពលនៅក្នុងទ្វីបអាហ្រ្វិក មជ្ឈិមបូព៌ា និងអាមេរិកឡាទីន ដោយព្យាយាមកាត់បន្ថយភាពជាអ្នកដឹកនាំរបស់សហរដ្ឋអាមេរិកនិងបង្ហាញខ្លួនថាជា អ្នកសម្របសម្រួល និងជាដៃគូសន្តិសុខដែលមិនអាចខ្វះបាន៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ អាមេរិក បញ្ជូនយន្តហោះទម្លាក់គ្រាប់បែកនុយក្លេអ៊ែរទៅ ឧបទ្វីបកូរ៉េ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី