Connect with us

ព័ត៌មានអន្ដរជាតិ

បាញ់ប្រហារ ៣លើក ស្លាប់និងរបួសមនុស្សជាង ៣០នាក់ នៅ សហរដ្ឋអាមេរិក (មានវីដេអូ)

បានផុស

នៅ

ការបាញ់ប្រហារនៅក្នុងទីក្រុងចំនួនបីរបស់សហរដ្ឋអាមេរិក បានសម្លាប់មនុស្សចំនួន៩នាក់ និងរបួស២៤នាក់ កាលពីយប់ថ្ងៃសៅរ៍ទី៤ខែមិថុនា និងព្រឹកថ្ងៃអាទិត្យ។

នេះជាការផ្ទុះឡើងចុងក្រោយបំផុតនៃអំពើហិង្សាដោយកាំភ្លើង បន្ទាប់ពីមានការបាញ់ប្រហារសម្លាប់រង្គាលចំនួនបីលើក កក្រើកសហរដ្ឋអាមេរិក។

ប៉ូលិសនិយាយថា នៅទីក្រុង Philadelphia, ការប្រឈមមុខដាក់គ្នារវាងបុរសពីរនាក់ បានឈានដល់ការបាញ់ប្រហារគ្នា ដែលបាញ់ទៅលើបារ និងភោជនីយដ្ឋានពោរពេញដោយមនុស្ស ដោយបានសម្លាប់មនុស្សចំនួន៣នាក់ របួស១២នាក់ និងបង្កការភ័យស្លន់ស្លោនៅពេលមនុស្សព្យាយាមរត់គេច។

ស្រដៀងគ្នានេះដែរ ការបាញ់ប្រហារបានផ្ទុះឡើងនៅជិតបារមួយកន្លែងក្នុងទីក្រុង Chattanooga នៃរដ្ឋ Tennessee កាលពីរំលងអធ្រាត្រថ្ងៃសៅរ៍ ដែលបានសម្លាប់មនុស្សចំនួន៣នាក់ និងរបួស១៤នាក់។

ក្នុងការបាញ់ប្រហារមួយផ្សេងទៀតនៅព្រឹកព្រលឹមថ្ងៃអាទិត្យ មនុស្សចំនួន៣នាក់បានស្លាប់ និង ២នាក់រងរបួសនៅក្នុងទីក្រុង Saginaw នៃរដ្ឋ Michigan។

ប៉ូលិសនិយាយថា មិនដូចករណី២ដំបូងដែលប៉ះពាល់ដល់អ្នកឈរមើលទេ មនុស្សទាំង៥នាក់ ក្នុងការបាញ់ប្រហារនៅរដ្ឋ Michigan សុទ្ធតែជាអ្នកជាប់ពាក់ព័ន្ធក្នុងហេតុការណ៍នេះ។

អំពើហិង្សា បានកើតឡើងនៅពេលដែលសហគមន៍នៅក្នុងទីក្រុងចំនួនបីផ្សេងទៀត នៅតែដិតដាមដោយភាពសោកសៅពីការសម្លាប់រង្គាល ដែលបានសម្លាប់មនុស្សចំនួន១០នាក់នៅហាងលក់គ្រឿងទេសក្នុងទីក្រុង Buffalo ទីក្រុងញូវយ៉ក, សម្លាប់មនុស្ស២១នាក់នៅសាលាបឋមសិក្សាទីក្រុង Uvalde នៃរដ្ឋ Texas និងសម្លាប់មនុស្ស៤នាក់នៅអគារពេទ្យក្នុងទីក្រុង Tulsa នៃរដ្ឋ Oklahoma៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNA

ចុចអាន៖ អាមេរិក ផ្ទុះការបាញ់ប្រហារថ្មី ២លើកទៀតក្នុងថ្ងៃតែមួយ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម