យោងតាមគណៈកម្មការគ្រប់គ្រងអគ្គិសនីថៃ (ERC) បានឲ្យដឹងថា គិតចាប់ពីខែមករា​ដល់ខែមេសា ឆ្នាំ២០២៣ នេះ អគ្គិសនីថៃគឺមានតម្លៃ ០.១៥ ដុល្ហារ (៦០០ រៀល) ក្នុងមួយគីឡូវ៉ាត់ ដោយសារតែការឡើងថ្លៃប្រេងឥន្ធនៈ ។

តម្លៃ ០.១៥ ដុល្លារនេះ (៦០០ រៀល) គឺជាតម្លៃទាបជាងគេហើយ ក្នុងចំណោមជម្រើសតម្លៃចំនួន ២ ផ្សេងទៀតដែលរួមមាន ០.១៦ ដុល្លារ និង ០.១៧ ដុល្លារក្នុងមួយគីឡូវ៉ាត់ម៉ោង ដោយគិតទៅតាមទំហំនៃការប្រើប្រាស់របស់សហគ្រាសតូច ឬធំ ។

ប្រសិនបើតម្លៃនេះថេរ នោះវានឹងអាចធ្វើឲ្យអគ្គិសនីថៃខាតបង់ប្រាក់ប្រមាណជាង ៣៥០ ម៉ឺនលានដុល្លារនៅចុងខែមេសា ខណៈចំពោះសហគ្រាសរដ្ឋថៃវិញ ប្រឈមនឹងឱនភាពចំនួន ៤៩០ លានលានដុល្លារឯណោះ ។

គួរបញ្ជាក់ថា បច្ចុប្បន្ន បញ្ហាពិភពលោក ជាពិសេស​សង្គ្រាមលុកលុយរបស់រុស្ស៊ីលើអ៊ុយក្រែន បានទាញតម្លៃថាមពលប្រទេសផ្សេងៗឲ្យកើនឡើងខ្ពស់ដូចគ្នាផងដែរ ៕

ប្រែសម្រួលដោយ ៖​ នាង រតនៈ

ប្រភព ៖​ Bangkok Post

ចុចអាន ៖ លោក Zelensky ថា អនាគតរបស់ អ៊ុយក្រែន នឹងសម្រេចក្នុងសមរភូមិ ប្រយុទ្ធនៅទីក្រុង Bakhmut