ព័ត៌មានអន្ដរជាតិ
យុវជនកូរ៉េខាងជើងជាង ៨០ម៉ឺននាក់ ស្ម័គ្រចិត្តទៅប្រយុទ្ធជាមួយអាមេរិក
យោងតាមសេចក្តីរាយការណ៍របស់ប្រព័ន្ធផ្សព្វផ្សាយរដ្ឋកាលពីថ្ងៃសៅរ៍ទី១៨ខែមីនា, យុវជនកូរ៉េខាងជើងជាង ៨០ម៉ឺននាក់ បានស្ម័គ្រចិត្តចូលរួមជាមួយកងទ័ព ដើម្បីទៅប្រយុទ្ធប្រឆាំងនឹង “ចក្រពត្តិនិយមអាមេរិក”។
សេចក្តីរាយការណ៍នេះកើតឡើងប៉ុន្មានថ្ងៃ បន្ទាប់ពីទីក្រុងព្យុងយ៉ាង បាញ់សាកល្បងមីស៊ីលផ្លោងអន្តរទ្វីបដ៏មានឥទ្ធិពលបំផុតរបស់ខ្លួន។
បន្ទាប់ពីការសាកល្បងអាវុធក្នុងកម្រិតមិនធ្លាប់មានប្រចាំឆ្នាំ និងការគំរាមកំហែងនុយក្លេអ៊ែរកាន់តែខ្លាំងពីទីក្រុងព្យុងយ៉ាង, ទីក្រុងសេអ៊ូល និងវ៉ាស៊ីនតោន បានបង្កើនកិច្ចសហប្រតិបត្តិការសន្តិសុខ ហើយសប្តាហ៍នេះ បានចាប់ផ្តើមសមយុទ្ធយោធារួមគ្នាធំបំផុតក្នុងរយៈពេលប្រាំឆ្នាំ។
កូរ៉េខាងជើង ចាត់ទុកសមយុទ្ធទាំងអស់នេះ ថាជាការហាត់សមសម្រាប់វាយលុក ហើយបានព្រមានម្តងហើយម្តងទៀតថា ខ្លួននឹងចាត់វិធានការលើសលប់ដើម្បីឆ្លើយតប។
ស្របពេលជាមួយគ្នានោះ ទីភ្នាក់ងារសារព័ត៌មានកូរ៉េ KCNA បានហៅសមយុទ្ធដែលកំពុងបន្តថា ជាការប៉ុនប៉ងរបស់អាមេរិកដើម្បីបង្កសង្គ្រាមនុយក្លេអ៊ែរ ហើយនិយាយថា ជាការឆ្លើយតប មនុស្សរាប់ម៉ឺននាក់បានចុះឈ្មោះចូលបម្រើកងទ័ព។
រូបភាពដែលចេញផ្សាយដោយកាសែត Rodong Sinmun ផ្លូវការរបស់ទីក្រុងព្យុងយ៉ាង បានបង្ហាញឲ្យឃើញយុវជនកូរ៉េខាងជើង តម្រង់ជួរយ៉ាងវែង ដើម្បីចុះឈ្មោះនៅកន្លែងមួយ ដែលមើលទៅដូចជាការដ្ឋានសំណង់។
អ្នកស្ម័គ្រចិត្ដវ័យក្មេងបានតាំងចិត្តថា នឹងកម្ចាត់មនុស្សឆ្កួតសង្គ្រាមដោយគ្មានមេត្តា ដូច្នេះពួកគេក៏បានចូលរួមជាមួយកងទ័ពដើម្បីការពារប្រទេស។
KNCA បន្ថែមថា “ត្រឹមតែមួយថ្ងៃប៉ុណ្ណោះ មន្ត្រី និងនិស្សិតដល់ទៅជាង៨០ម៉ឺននាក់នៅទូទាំងប្រទេស បានស្ម័គ្រចិត្តចូលរួមជាមួយកងទ័ពប្រជាជនកូរ៉េ”៕
ប្រែសម្រួល៖ Vann Vann
ប្រភព៖ CNA
ចុចអាន៖ កូរ៉េខាងជើង បាញ់មីស៊ីលទៅសមុទ្រជប៉ុន មុនកិច្ចប្រជុំ Yoon-Kishida
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ