ព័ត៌មានអន្ដរជាតិ
កូរ៉េខាងជើង បាញ់មីស៊ីលមួយគ្រាប់ ចំពេល កូរ៉េខាងត្បូងនិងអាមេរិក ធ្វើសមយុទ្ធ
យោធាក្រុងសេអ៊ូលនិយាយថា ប្រទេសកូរ៉េខាងជើង បានបាញ់មីស៊ីលផ្លោងរយៈចម្ងាយខ្លីមួយគ្រាប់នៅថ្ងៃអាទិត្យទី១៩ខែមីនា ដែលនេះជាការបង្ហាញសាច់ដុំលើកទីបួនក្នុងរយៈពេលត្រឹមមួយសប្តាហ៍ ចំពេលដែលកូរ៉េខាងត្បូងនិងសហរដ្ឋអាមេរិក កំពុងធ្វើសមយុទ្ធយោធាដ៏ធំ។
ទីក្រុងសេអ៊ូល និងវ៉ាស៊ីនតោន បានបង្កើនកិច្ចសហប្រតិបត្តិការ លើវិស័យការពារជាតិ ស្របពេលប្រឈមមុខនឹងការគំរាមកំហែងផ្នែកយោធា និងនុយក្លេអ៊ែរពីប្រទេសកូរ៉េខាងជើង ដែលបានធ្វើការសាកល្បងអាវុធហាមឃាត់កាន់តែខ្លាំងឡើងជាបន្តបន្ទាប់ ក្នុងរយៈពេលប៉ុន្មានខែថ្មីៗនេះ។
បច្ចុប្បន្ន កូរ៉េខាងត្បូងនិងសហរដ្ឋអាមេរិក កំពុងធ្វើសមយុទ្ធរួមគ្នា Freedom Shield រយៈពេល១១ថ្ងៃ ដែលជាសមយុទ្ធធំបំផុតរបស់សម្ព័ន្ធមិត្តទាំង២ ក្នុងរយៈពេល៥ឆ្នាំ។
យ៉ាងណាក្តី កូរ៉េខាងជើង ចាត់ទុកសមយុទ្ធទាំងអស់នេះ ថាជាការហាត់សមសម្រាប់វាយលុក ហើយបានព្រមានម្តងហើយម្តងទៀតថា ខ្លួននឹងចាត់វិធានការលើសលប់ ដើម្បីឆ្លើយតប។
នាយសេនាធិការចម្រុះកូរ៉េខាងត្បូង (JCS) និយាយថា “យោធារបស់យើង បានឃើញមីស៊ីលផ្លោងរយៈចម្ងាយខ្លីមួយគ្រាប់ ដែលបាញ់ចេញពីជុំវិញតំបន់ Tongchang-ri ក្នុងខេត្ត Pyongan ខាងជើងនៅម៉ោង ១១:០៥ ព្រឹក ឆ្ពោះទៅសមុទ្រខាងកើត”។
ក្នុងសេចក្តីថ្លែងការណ៍នោះដែរ JCS ហៅការបាញ់បង្ហោះនេះថាជា “ការបង្កហេតុដ៏ធ្ងន់ធ្ងរ” ដែលបំពានលើទណ្ឌកម្មរបស់អង្គការសហប្រជាជាតិ។
ទន្ទឹមនោះ ទីបញ្ជាការឥណ្ឌូប៉ាស៊ីហ្វិករបស់យោធាអាមេរិក ក៏បានថ្កោលទោសការបាញ់បង្ហោះនេះផងដែរ ដោយនិយាយថា វាបង្ហាញពីផលប៉ះពាល់អស្ថិរភាព ចេញពីកម្មវិធីអាវុធរបស់កូរ៉េខាងជើង៕
ប្រែសម្រួល៖ Vann Vann
ប្រភព៖ CNA
ចុចអាន៖ យុវជនកូរ៉េខាងជើងជាង ៨០ម៉ឺននាក់ ស្ម័គ្រចិត្តទៅប្រយុទ្ធជាមួយអាមេរិក
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ