បារាំង​ ចាប់ខ្លួនស្រ្តីម្នាក់ បន្ទាប់ពីបង្ហោះ Facebook ប្រមាថលោក Macron

ស្ត្រីជនជាតិបារាំងម្នាក់ ត្រូវបានចាប់ខ្លួននៅក្នុងផ្ទះរបស់នាងកាលពីថ្ងៃទី២៤ខែមីនា ហើយកំពុងរង់ចាំការកាត់ទោសពីបទ “ប្រមាថ” លោកប្រធានាធិបតី Emmanuel Macron តាមរយៈការបង្ហោះ Facebook។

ស្ត្រីរូបនេះមានឈ្មោះ Valerie ត្រូវបានគេថតរូបនៅពីមុខធុងសំរាម ដែលមានសរសេរពាក្យថា “Macron សំរាម”។

លោកស្រី Valerie ក៏បាន Share ការបង្ហោះមួយដែលចាត់ទុកមេដឹកនាំបារាំងថាជា “សំរាម” ផងដែរ​ ដោយសារតែសុន្ទរកថារបស់លោក Macron ចំពេលមានការតវ៉ាជាសាធារណៈជុំវិញការដំឡើងអាយុសោធននិវត្តន៍របស់រដ្ឋាភិបាល។

គួរបញ្ជាក់ថា ការប្រមាថមេបញ្ជាការកងទ័ពបារាំងជាសាធារណៈ គឺជាបទឧក្រិដ្ឋដែលមានទោសទណ្ឌ។

បច្ចុប្បន្ន លោកស្រី Valerie ប្រឈមមុខនឹងការជាប់ពន្ធនាគាររហូតដល់ ៦ ខែនិងពិន័យជាប្រាក់រហូតដល់ ២៤៤០០ដុល្លារ៕

ប្រែសម្រួល៖ Vann Vann

ប្រភព៖ RT

ចុចអាន៖ ផ្ទុះកុបកម្មនៅប៉ារីស បន្ទាប់ពីលោក Macron សម្រេចបង្កើនអាយុចូលនិវត្តន៍ ដោយមិនឆ្លងសភា