ព័ត៌មានអន្ដរជាតិ
បារាំង កំពុងប្រឈមនឹងកង្វះខាតឱសថសំខាន់ៗនៅរដូវរងា
មន្ត្រីសុខាភិបាលបារាំងលោក Francois Braun និយាយថា ពេលនេះបារាំងកំពុងប្រឈមនឹងកង្វះឱសថសំខាន់ៗមួយចំនួនសម្រាប់រដូវរងា ខណៈដែលរដ្ឋាភិបាលគ្រោងនឹងបញ្ចប់បញ្ជីថ្នាំ ដែលតម្រូវឱ្យដាក់លក់នៅគ្រប់ឱសថស្ថានត្រឹមខែឧសភានេះ ។
“ពេលនេះ ថ្នាំសំខាន់ៗសម្រាប់ប្រើប្រាស់នៅរដូវរងា គឺដាច់ស្តុកលែងមានហើយនៅគ្រប់ឱសថស្ថានទាំងអស់ក្នុងប្រទេស”។ នេះជាការលើកឡើងរបស់លោក Braun។
ទោះយ៉ាងណា បារាំងជាប្រទេសមួយដែលថ្នាំពេទ្យមានប្រសិទ្ធខ្ពស់ ប៉ុន្តែឱសថភាគច្រើន ត្រូវបាននាំចូលពីប្រទេសចិន ឥណ្ឌា និងសហរដ្ឋអាមេរិក។ ប្រធានាធិបតី Emmanuel Macron បានចេញក្រឹត្យមួយ ដែលកំណត់ឱ្យបារាំងគួរតែក្លាយជាឯករាជ្យពេញលេញក្នុងការផ្គត់ផ្គង់ថ្នាំពេទ្យនៅឆ្នាំ ២០៣០។
បើយោងតាមកាសែត Le Figaro បារាំង គឺជាក្រុមហ៊ុនផលិតថ្នាំធំជាងគេទីបួននៅសហភាពអឺរ៉ុប។ ការរាតត្បាតនៃជំងឺកូវីដ-១៩ គ្រុនផ្តាសាយ និងជំងឺរលាកទងសួតបានរីករាលដាលនៅរដូវរងានេះ នាំឱ្យបារាំងមានការខ្វះខាតថ្នាំអង់ទីប៊ីយោទិច ថ្នាំផ្សះ និងថ្នាំបំបាត់ការឈឺចាប់នៅក្នុងឱសថស្ថាន។
មិនតែប៉ុណ្ណោះ សហភាពអឺរ៉ុបបាននាំចូលឱសថសរុប ៤០ភាគរយពីប្រទេសឥណ្ឌា និងចិន។ លើសពីនេះទៅទៀត ៦០ ទៅ ៨០ភាគរយ នៃសារធាតុសកម្មដូចជា ប៉ារ៉ាសេតាមុល ត្រូវបានផលិតនៅក្នុងប្រទេសទាំងពីរនេះ។
គួរបញ្ជាក់ថា កាលពីខែមករា បារាំងបានរឹតបន្តឹងបណ្តោះអាសន្នលើការលក់ថ្នាំប៉ារ៉ាសេតាម៉ុលតាមអ៊ីនធឺណិតចំពេលកំពុងមានការខ្វះខាត ខណៈកាលពីខែតុលា ឆ្នាំ ២០២២ បានដាក់កំហិតលើការលក់ថ្នាំដែលមានប៉ារ៉ាសេតាមុលរហូតដល់ពីរកញ្ចប់ដល់មនុស្សម្នាក់តែប៉ុណ្ណោះ៕
ប្រែសម្រួល៖ នាង រតនៈ
ប្រភព៖ Sputnik
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ