ខេត្តឆ្នេរសមុទ្រ ថៃ នឹងជួបសីតុណ្ហភាពក្ដៅបំផុត ៥៤ អង្សាសេ ខណៈ បាងកក ៥០ អង្សាសេ

នាយកដ្ឋានឧតុនិយមថៃបានព្យាករណ៍ថា ខេត្ត Krabi ដែលជាខេត្តឆ្នេរសមុទ្រភាគខាងលិចរបស់ថៃ នឹងក្លាយជាកន្លែងក្តៅបំផុតនៅក្នុងប្រទេសនៅថ្ងៃអាទិត្យនេះ ដោយសីតុណ្ហភាពនឹងឡើងដល់ ៥៤.២ អង្សាសេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកកន្លែងដែលក្តៅបំផុតលំដាប់ទី ២ នៅក្នុងប្រទេសថៃ គឺសង្កាត់ Bang Na របស់ទីក្រុងបាងកក ដែលសីតុណ្ហភាពនឹងកើនឡើងដល់ ៥០.២ អង្សាសេ ។

ទន្ទឹមនោះ តំបន់ក្តៅបំផុតចំនួន ៣ ផ្សេងទៀតនៅក្នុងប្រទេសគឺខេត្ត Phetchabun សីតុណ្ហភាព ៤៤.៣ អង្សាសេ, ខេត្ត Chonburi ៤៣.២ អង្សាសេ និងស្រុក Chok Chai នៃខេត្ត Nakhon Ratchasima មានសីតុណ្ហភាព ៤១.៣ អង្សាសេ ។

ស្របពេលជាមួយគ្នានេះ នាយកដ្ឋានក៏បាននិយាយផងដែរថា មនុស្សដែលព្យាយាមនៅខាងក្រៅក្នុងសីតុណ្ហភាពចន្លោះពី ៤១ អង្សាសេ និង ៥៤ អង្សាសេ អាចប្រឈមហានិភ័យនៃការរមួលសាច់ដុំ និងជំងឺដាច់សរសៃឈាមខួរក្បាលជាដើម ហើយវាអាចប៉ះពាល់ខ្លាំងដល់សុខភាពមនុស្ស ជាពិសេសកុមារ មនុស្សចាស់ និងអ្នកដែលមានជំងឺស្រាប់ ៕

ប្រែសម្រួលដោយ ៖ ជីវ័ន្ត

ប្រភព ៖ The Nation Thailand

ចុចអាន ៖ ផ្ទាំងទឹកកករលាយលឿនជាងការរំពឹងទុក ៦០០ ម៉ែត្រក្នុងមួយថ្ងៃ ដោយសារ​អាកាសធាតុក្ដៅ