ព័ត៌មានអន្ដរជាតិ
ត្រាំ ៖ រុស្ស៊ី មិនមែនជាអ្នកបំផ្ទុះបំពង់បង្ហូរប្រេង Nord Stream ទេ ហើយក៏មិនប្រាប់ថា ប្រទេសណាធ្វើនោះដែរ
អតីតប្រធានាធិបតីអាមេរិក លោក ដូណាល់ ត្រាំ បានបង្ហើបឲ្យដឹងថា រុស្ស៊ីមិនមែនជាអ្នកបំផ្ទុះបំពង់បង្ហូរប្រេង Nord Stream នោះទេ ហើយលោកក៏មិនបានប្រាប់ថា ប្រទេសណាជាអ្នកទទួលខុសត្រូវចំពោះការបំផ្លិចបំផ្លាញនេះផងដែរ ។
លោក ត្រាំ បានប្រាប់ទូរទស្សន៍ Fox News នៅក្នុងបទសម្ភាសន៍មួយកាលពីពេលថ្មីៗនេះថា “ខ្ញុំមិនចង់ធ្វើឲ្យប្រទេសរបស់យើងមានបញ្ហានោះទេ ដូច្នេះខ្ញុំនឹងមិនឆ្លើយវានោះទេ ប៉ុន្តែខ្ញុំអាចប្រាប់អ្នកថា គឺមិនមែនរុស្ស៊ីជាអ្នកប្រព្រឹត្តអំពើបំផ្លិចបំផ្លាញនេះនោះទេ” ។
នៅថ្ងៃទី២៧ ខែកញ្ញា ក្រុមហ៊ុន Nord Stream AG បានរាយការណ៍ពីការបំផ្លិចបំផ្លាញមិនធ្លាប់មានពីមុនមកលើបំពង់បង្ហូរប្រេង Nord Stream បន្ទាប់ពីមានការផ្ទុះចំនួន ២ លើកនៅថ្ងៃទី២៦ ខែកញ្ញាតាមបណ្តោយនៃបំពង់បង្ហូរប្រេងនោះ ខណៈក្រោយមក រដ្ឋអាជ្ញារុស្ស៊ីបានចាប់ផ្តើមស៊ើបអង្កេតឧបទ្ទវហេតុនេះថាជាការវាយប្រហារដោយភេរវករអន្តរជាតិ ។
កាលពីថ្ងៃទី៨ ខែកុម្ភៈ អ្នកសារព័ត៌មានស៊ើបអង្កេតរបស់សហរដ្ឋអាមេរិកឈ្មោះ Seymour Hersh បានចុះផ្សាយអត្ថបទមួយដោយដកស្រង់ប្រភពច្បាស់ការណ៍ថា អ្នកមុជទឹករបស់កងទ័ពជើងទឹកអាមេរិកបានបង្កៃឧបករណ៍ផ្ទុះនៅក្រោមបំពង់បង្ហូរប្រេង Nord Stream 1 និង Nord Stream 2 ក្នុងខែមិថុនា ឆ្នាំ ២០២២ ។
៣ ខែក្រោយមក គ្រាប់បែកនោះបានផ្ទុះឡើង ហើយយោងតាមអ្នកសារព័ត៌មានបានឲ្យដឹងថា ការសម្រេចចិត្តធ្វើប្រតិបត្តិការនេះ គឺជាបញ្ជាផ្ទាល់របស់ប្រធានាធិបតីអាមេរិក លោក ចូ បៃដិន បន្ទាប់ពីបានពិភាក្សារយៈពេល ៩ ខែជាមួយអ្នកឯកទេសសន្តិសុខសេតវិមាន ៕
ប្រែសម្រួលដោយ ៖ ជីវ័ន្ត
ប្រភព ៖ TASS
ចុចអាន ៖ ដូណាល់ ត្រាំ បង្ហោះសារខ្លី ធ្វើឲ្យអ្នកគាំទ្រភ្ញាក់ផ្អើល
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ