សន្ទស្សន៍កម្តៅនៅ ថៃ ឡើងដល់ ៥៤អង្សាសេ

កាលពីថ្ងៃសុក្រទី២១ខែមេសា ប្រទេសថៃ បានចេញការព្រមានអំពី “កម្តៅខ្លាំងបំផុត” ខណៈសីតុណ្ហភាព បានហក់ឡើងជាថ្មីម្តងទៀត បន្ទាប់ពីឈានដល់៤៥អង្សាជាលើកដំបូងក្នុងប្រវត្តិសាស្ត្រកាលពីចុងសប្តាហ៍មុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយកដ្ឋានឧតុនិយមបានព្រមានថា សន្ទស្សន៍កម្តៅ បានឡើងដល់កម្រិតគ្រោះថ្នាក់នៅក្នុងទីក្រុងបាងកក និងខេត្តចំនួនបីផ្សេងទៀតកាលពីថ្ងៃសុក្រ។

នាយកដ្ឋាន​បាន​ចេញ​ការ​ព្រមានថា នៅខេត្ត Phetchabun ភាគខាងជើង សន្ទស្សន៍កម្តៅបានឈានដល់ ៤៨.១អង្សាសេ ដែលជាកម្រិតគ្រោះថ្នាក់។

ចំណែកនៅស្រុក Kosum Pisai នៃខេត្ត Maha Sarakham ភាគឦសាន សន្ទស្សន៍កម្តៅបានឈានដល់ ៤៤.៥អង្សាសេ ដែលក៏ជាកម្រិតគ្រោះថ្នាក់ផងដែរ។

រីឯនៅសង្កាត់ Bang Na នៃទីក្រុងបាងកក សន្ទស្សន៍កម្តៅបានឈានដល់ ៥៤អង្សាសេ ដែលជាកម្រិតគ្រោះថ្នាក់ខ្លាំង។

ស្របពេលជាមួយគ្នានោះ នៅខេត្ត Chonburi ភាគខាងកើត សន្ទស្សន៍កម្តៅក៏បានឈានដល់ ៥៤អង្សាសេ ដូចនៅបាងកកដែរ។

ដោយឡែក នៅភាគខាងត្បូងវិញ, ខេត្ត Phuket, សន្ទស្សន៍កម្តៅក៏បានឈានដល់ ៥៤អង្សាសេដូចគ្នា។

គួរបញ្ជាក់ថា កាល​ពី​ចុង​សប្តាហ៍​មុន ​សីតុណ្ហភាពនៅប្រទេសថៃ បានឡើងដល់កម្រិតជាប្រវត្តិសាស្រ្ត ពោលគឺឈានដល់ ៤៥ អង្សា​សេ៕

ប្រែសម្រួល៖ Vann Vann

ប្រភព៖ Nation

ចុចអាន៖ អ្នកជំនាញព្រមានថា ថៃ នឹងរងគ្រោះដោយអាកាសធាតុកាន់តែក្តៅខ្លាំង