ព័ត៌មានអន្ដរជាតិ
ហេតុផលមួយ អ្នកសាធារណរដ្ឋ ជំរុញឲ្យលោក បៃដិន ឈប់ផ្តល់អាវុធដល់ អ៊ុយក្រែន
សមាជិកគណបក្សសាធារណរដ្ឋ បានសរសេរលិខិតទៅលោក ចូ បៃដិន ដោយអំពាវនាវឲ្យប្រធានាធិបតីអាមេរិករូបនេះ បញ្ចប់ការគាំទ្រផ្នែកយោធាដល់អ៊ុយក្រែន ព្រោះតែហានិភ័យនៃជម្លោះផ្ទាល់ជាមួយរុស្ស៊ី។
លិខិតដែលចុះហត្ថលេខាដោយសមាជិកសភាចំនួន១៩រូប ចុះថ្ងៃទី២០ខែមេសា មានខ្លឹមសារថា “យើងព្រួយបារម្ភយ៉ាងខ្លាំងដែលថា គន្លងនៃជំនួយរបស់សហរដ្ឋអាមេរិកចំពោះកិច្ចខិតខំប្រឹងប្រែងសង្រ្គាមអ៊ុយក្រែន នឹងគំរាមកំហែងដល់ការកើនឡើងអរិភាពបន្ថែមទៀត និងខ្វះភាពច្បាស់លាស់ជាយុទ្ធសាស្រ្ត។ រាល់កញ្ចប់ថ្មី និងរាល់សព្វាវុធថ្មីដែលផ្តល់ទៅឲ្យអ៊ុយក្រែន នឹងបង្កហានិភ័យកាន់តែខ្លាំងនៃជម្លោះដោយផ្ទាល់ជាមួយរុស្ស៊ី។ មានមធ្យោបាយសមស្របដែលអាមេរិក អាចគាំទ្រប្រជាជនអ៊ុយក្រែន ប៉ុន្តែការផ្គត់ផ្គង់អាវុធគ្មានដែនកំណត់ ក្នុងសង្រ្គាមមិនចេះចប់បែបនេះ មិនមែនជារឿងមួយក្នុងចំណោមរឿងទាំងនោះឡើយ”។
ទន្ទឹមនោះ ក្រុមតំណាងរាស្រ្តបានគូសបញ្ជាក់ថា ការជំរុញកិច្ចចរចារវាងភាគីចំពោះជម្លោះអ៊ុយក្រែន គឺជាផលប្រយោជន៍ដ៏ល្អបំផុតសម្រាប់ទីក្រុងកៀវ និងវ៉ាស៊ីនតោន។
ជាងនេះទៅទៀត សមាជិកសភាបាននិយាយថា ការគាំទ្រដល់អ៊ុយក្រែន ដែលជាប្រទេសមានកម្រិតអំពើពុករលួយខ្ពស់ គឺជារឿងគ្មានទំនួលខុសត្រូវ ចំពេលពលរដ្ឋអាមេរិកកំពុងរងគ្រោះដោយសារអតិផរណា និងការកើនឡើងនៃបំណុលសាធារណៈ។
សមាជិកសភាក៏បានសម្តែងភាពមិនសប្បាយចិត្តផងដែរ ចំពោះការដែលទីក្រុងវ៉ាស៊ីនតោនបាត់បង់សមត្ថភាព ដើម្បីឆ្លើយតបទៅនឹងការគំរាមកំហែងដែលអាចកើតមាន ដោយសារតែការគាំទ្រដល់អ៊ុយក្រែន ខណៈគូប្រជែងចម្បងរបស់សហរដ្ឋអាមេរិកគឺរុស្ស៊ីនិងចិន កាន់តែស្អិតរមួតជាមួយគ្នា និងកាន់តែរឹងមាំចំពេលមានជម្លោះ។
យោងតាមមន្ទីរបញ្ចកោណ, ជំនួយយោធាសរុបរបស់សហរដ្ឋអាមេរិកដល់ទីក្រុងកៀវ គឺបានកើនឡើងដល់៣៥.៤ពាន់លានដុល្លារ ចាប់តាំងពីជម្លោះអ៊ុយក្រែនផ្ទុះឡើងក្នុងខែកុម្ភៈឆ្នាំ២០២២៕
ប្រែសម្រួល៖ Vann Vann
ប្រភព៖ Sputnik
ចុចអាន៖ អាមេរិក ប្រកាសផ្តល់ជំនួយថ្មីទៅឲ្យអ៊ុយក្រែន រួមទាំងមីស៊ីលទំនើប ផងដែរ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ