ព័ត៌មានអន្ដរជាតិ

ប៉ូលិសរកឃើញសាកសពមនុស្សជាច្រើន ស្លាប់ដោយសារងប់ងុលនឹងសាសនានៅ កេនយ៉ា

បានផុស

៦ ខែ មុន

នៅ

ថ្ងៃអង្គារ ២៥ មេសា ២០២៣

ដោយ

សាកសពចំនួន ៣៩នាក់ ត្រូវគេរកឃើញនៅលើដីរបស់គ្រូគង្វាលម្នាក់ នៅប្រទេសកេនយ៉ា ដែលត្រូវចាប់ខ្លួនពីបទបញ្ជាឲ្យអ្នកដើរតាមរបស់គាត់តមអាហាររហូតដល់ស្លាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេប៉ូលិស Joh Kemboi នៃតំបន់ Malindi បាននិយាយកាលពីថ្ងៃទី ២៣ ខែមេសាថា ប៉ូលិសបានបើកប្រតិបត្តិការវាយឆ្មក់លើគេហដ្ឋានរបស់គ្រូគង្វាល Paul ហើយបានរកឃើញមនុស្ស ១៥ នាក់ស្ថិតក្នុងសភាពទ្រុឌទ្រោម បន្ទាប់មក ៤នាក់បានស្លាប់។ អ្នកជឿតាមសាសនាបាននិយាយថា ពួកគេស្រេកឃ្លានតាមការណែនាំរបស់គ្រូគង្វាលឲ្យទៅជួបព្រះយេស៊ូវ ។

មេប៉ូលិសបន្ថែមទៀតថា “មានផ្នូររាក់ៗជាច្រើននៅក្នុងដីរបស់គ្រូគង្វាល Paul Makenzi ដែលមិនទាន់ជីក ហើយយើងបានចាប់ខ្លួនគ្រូគង្វាលនេះនៅថ្ងៃទី ១៤ ខែមេសា ព្រោះវាទាក់ទងនឹងការគោរពសាសនា “។ ចំណែកចំនួនអ្នកស្លាប់សរុបដែលជាប់ទាក់ទងនឹងការគោរពសាសនាដែលដឹកនាំដោយគ្រូគង្វាល Paul បានកើនឡើងដល់ ៤៣ នាក់ ខណៈដែលមនុស្ស ៤នាក់ទៀតត្រូវគេរកឃើញថាកំពុងអត់ឃ្លានរហូតដល់ស្លាប់នៅឯព្រះវិហារ Good News International កាលពីសប្ដាហ៍មុន។

ជាមួយគ្នានេះដែរ ប៉ូលិសបានដាក់ញត្តិទៅតុលាការដោយសុំអនុញ្ញាតត្រូវតែឃុំខ្លួនគ្រូគង្វាល Paul Makenzi យូរជាងនេះ ដើម្បីស៊ើបអង្កេតនៅតែបន្ត។

ទោះយ៉ាងណា គ្រូគង្វាលរូបនេះត្រូវបានចាប់ខ្លួនពីរដងហើយ គឺក្នុងឆ្នាំ ២០១៩ និងខែមីនាឆ្នាំនេះ ពាក់ព័ន្ធនឹងការស្លាប់របស់កុមារ។ គាត់ត្រូវបានដោះលែងឲ្យនៅក្រៅឃុំ ខណៈសំណុំរឿងទាំងពីរកំពុងស្ថិតក្រោមការស៊ើបអង្កេតដដែល៕