ព័ត៌មានអន្ដរជាតិ

វេបសាយ ថៃ ចុះផ្សាយពីម្ហូបអាហារនៅស៊ីហ្គេមរបស់កម្ពុជាថា មានច្រើនមុខរាប់មិនអស់

បានផុស

២ ថ្ងៃ មុន

នៅ

ថ្ងៃអាទិត្យ ៣០ មេសា ២០២៣

ដោយ

វេបសាយដ៏ល្បីរបស់ប្រទេសថៃ Sanook នៅមុននេះបន្តិចបានយកឃ្លិបពីបុរសជនជាតិខ្មែរ មកផ្សាយថាម្ហូបអាហារនៅស៊ីហ្គេមរបស់អត្តពលិក និងគ្រូបង្វឹកមានច្រើនមុខរាប់មិនអស់ដូចជាស្តង់ដារក្នុងសណ្ឋាគារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ មុនពិធីបើកជាផ្លូវការនៅថ្ងៃទី៥ ខែឧសភា កីឡាមួយចំនួនបានចាប់ផ្ដើមប្រកួតនៅជុំទី១។ ក្នុងនោះមានអត្តពលិកមួយចំនួន បាននិងកំពុងតែធ្វើដំណើរមកដល់ភូមិកីឡា ដែលជាកន្លែងស្នាក់នៅមិនគិតថ្លៃដូចដែលប្រទេសកម្ពុជាធ្លាប់ប្រកាសកន្លងមក។

ទន្ទឹមនោះដែរ វេបសាយ Sanook បានបង្ហាញមុខម្ហូបរបស់អត្តពលិកដែលនឹងត្រូវចូលរួមប្រកួតស៊ីហ្គេម ដោយបែងចែកមួយអាហារនៅក្នុងភូមិកីឡា មួយទៀតជាអាហារនៅក្នុងសណ្ឋាគារ។

តាមរយៈឃ្លិបនោះបានបង្ហាញនៃមុខម្ហូបដែលរៀបចំដោយនាយកដ្ឋានសម្រាប់បុគ្គលិក និងអត្តពលិកនៅក្នុងភូមិកីឡា ដែលនេះនឹងក្លាយជាម៉ឺនុយដែលខុសពីអ្វីដែលសណ្ឋាគារបានរៀបចំ ហើយត្រូវបានចាត់ទុកថាច្រើនបំផុត និងមានភាពចម្រុះជាងពេលណាៗទាំងអស់។ ព្រឹត្តិការណ៍នេះធ្វើឲ្យអ្នកគាំទ្រកីឡាសឹងតែគ្រប់ប្រទេស បានលើកសរសើរពីមុខម្ហូបមានច្រើនមុខ និងសុទ្ធតែជាអាហារស្ដង់ដារផងដែរ។

ទោះយ៉ាងណាក៏ដោយ អស់រយៈពេល៦៤ឆ្នាំហើយដែលព្រឹត្តិការណ៍ពហុកីឡាតំបន់អាស៊ានត្រូវបានរៀបចំឡើង ហើយមិនដែលមានប្រទេសម្ចាស់ផ្ទះណាលើកលែងលើតម្លៃស្នាក់នៅ ម្ហូបអាហារ និងការដឹកជញ្ជូនពីប្រតិភូកីឡា ព្រមទាំងសិទ្ធិផ្សព្វផ្សាយឡើយគឺមានតែកម្ពុជាមួយគត់ធ្វើម្ចាស់ផ្ទះលើកដំបូង ដែលបង្កើតរឿងចងចាំជារៀងរហូតក្នុងប្រវត្តិសាស្ត្រស៊ីហ្គេមលើកនេះ៕