ចិន ជំរុញឲ្យក្រុមប្រឹក្សាសន្តិសុខអង្គការសហប្រជាជាតិ ធ្វើកំណែទម្រង់

អ្នកការទូតកំពូលរបស់ប្រទេសចិន បានអំពាវនាវឲ្យប្រទេសកំពុងអភិវឌ្ឍន៍ មានតួនាទីកាន់តែទូលំទូលាយនៅក្នុងក្រុមប្រឹក្សាសន្តិសុខអង្គការសហប្រជាជាតិ។

ការកត់សម្គាល់របស់លោក Wang Yi កើតឡើងមួយសប្តាហ៍ បន្ទាប់ពីរដ្ឋមន្ត្រីការបរទេសរុស្ស៊ីលោក Sergey Lavrov បានផ្តល់យោបល់ស្រដៀងគ្នានេះ ដោយនិយាយថា មហាអំណាចលោកខាងលិច តំណាងលើសលប់ពេកនៅក្នុងស្ថាប័នអន្តរជាតិសំខាន់មួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងអំឡុងកិច្ចប្រជុំជាមួយឯកអគ្គរាជទូតគុយវ៉ែតប្រចាំ UN លោក Tareq Albanai និងឯកអគ្គរដ្ឋទូតអូទ្រីសប្រចាំ UN លោក Alexander Marschik កាលពីចុងសប្តាហ៍, លោក Wang និយាយថា “កំណែទម្រង់នៃក្រុមប្រឹក្សាសន្តិសុខ គួរតែរក្សាភាពយុត្តិធម៌ និងស្មើភាព បង្កើនតំណាងនិងសំឡេងនៃប្រទេសកំពុងអភិវឌ្ឍន៍ ដោយអនុញ្ញាតឲ្យប្រទេសតូចៗ និងមធ្យមកាន់តែច្រើន ​មាន​ឱកាស​លើសមុន ​ដើម្បីចូល​រួម​ក្នុង​ការ​សម្រេច​ចិត្ត​របស់​ក្រុម​ប្រឹក្សានេះ។

មន្ត្រីដែលទទួលបន្ទុកកិច្ចការបរទេសនៅក្នុងគណៈកម្មាធិការមជ្ឈិមបក្សកុម្មុយនិស្តចិនរូបនេះ បានបន្ថែមថា ភាពអយុត្តិធម៌ជាប្រវត្តិសាស្ត្រប្រឆាំងនឹងទ្វីបអាហ្វ្រិក គួរតែត្រូវបានដោះស្រាយ។

លើសពីនេះ​ លោក Wang បានសម្តែងក្តីសង្ឃឹមថា ការឯកភាពគ្នានឹងត្រូវបានឈានដល់ដូច្នេះ ដំណើរការកំណែទម្រង់ក្រុមប្រឹក្សាសន្តិសុខ នឹងត្រូវបានទទួលស្គាល់កាន់តែទូលំទូលាយ៕

ប្រែសម្រួល៖ Vann Vann

ប្រភព៖ RT

ចុចអាន៖ ចិន អនុម័ត ពង្រីក ច្បាប់ ប្រឆាំង ចារកម្ម