រុស្ស៊ី ថា អាមេរិក ប្រើយន្តការណាតូ ដើម្បីកាន់កាប់ទ្វីបអឺរ៉ុប

ទីក្រុងវ៉ាស៊ីនតោន បានប្រើប្រាស់យន្តការណាតូ ដើម្បីដាក់ការកាន់កាប់លើទ្វីបអឺរ៉ុប ខណៈមន្ត្រីអឺរ៉ុប មិនមានជម្រើសអ្វីឡើយ ក្រៅពីការបំពេញគោលបំណងយោធារបស់សម្ព័ន្ធភាពនេះប៉ុណ្ណោះ។ នេះបើតាមការបញ្ជាក់ពីលេខាធិការក្រុមប្រឹក្សាសន្តិសុខរុស្ស៊ីលោក Nikolay Patrushev នៅក្នុងបទសម្ភាសមួយទៅកាន់កាសែត Izvestia ដែលចេញផ្សាយនៅថ្ងៃពុធទី៣ខែឧសភា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​បន្ត​ថា “​ដោយ​ការ​បង្កើត​យន្តការ​សម្ព័ន្ធភាព​អាត្លង់ទិក​ខាង​ជើង ​ដែល​បម្រើ​សេចក្តី​ត្រូវ​ការ​របស់​ខ្លួន, សហរដ្ឋ​អាមេរិក​បាន​កាន់កាប់ទ្វីប​អឺរ៉ុប​យ៉ាង​មាន​ប្រសិទ្ធភាព។ មន្ត្រីអឺរ៉ុបដែលដឹងខ្លួនថា ពួកគេស្ថិតក្នុងស្ថានភាពអស់សង្ឃឹម បាននាំគ្នាប្រែក្លាយពិភពលោកចាស់ ទៅជាមូលដ្ឋានសេដ្ឋកិច្ចសម្រាប់ការពិសោធន៍របស់សហរដ្ឋអាមេរិក។ ពួកគេបន្តបំពេញតាមគោលដៅយោធារបស់ណាតូ”។

តាមសម្តីលោក Patrushev, ក្រោមការដឹកនាំរបស់មន្ទីរបញ្ចកោណ ទីបញ្ជាការរបស់អង្គការណាតូ គឺមានទំនាក់ទំនងផ្ទាល់ជាមួយអ្នកផលិតអាវុធ ដោយមិនអើពើជាមួយប្រទេសផ្សេងទៀត។

មន្ត្រីសន្តិសុខរុស្ស៊ីក៏បាននិយាយផងដែរថា ការពង្រីកអង្គការណាតូ បានអនុញ្ញាតឲ្យទីក្រុងវ៉ាស៊ីនតោន គ្រប់គ្រងលើទឹកដីបន្ថែមនៅតំបន់អឺរ៉ុបប៉ែកខាងកើត។ នេះមានន័យថា បើប្រទេសណាចង់ចូលអង្គការណាតូ គឺអាស្រ័យលើការសម្រេចចិត្តរបស់អាមេរិក៕

ប្រែសម្រួល៖ Vann Vann

ប្រភព៖ TASS

ចុចអាន៖ លោក Shoigu ៖ អាមេរិក ចាក់រុកប្រទេសផ្សេងទៀតឲ្យប្រឈមមុខ ផ្នែកយោធាជាមួយ រុស្ស៊ី និងចិន