Connect with us

ព័ត៌មានអន្ដរជាតិ

កិច្ចប្រជុំកំពូលអាស៊ានលើកទី៤២ ចាប់ផ្តើមជាផ្លូវការ

បានផុស

នៅ

កិច្ចប្រជុំកំពូលអាស៊ានលើកទី៤២ បានចាប់ផ្តើមជាផ្លូវការហើយក្នុងទីក្រុង Labuan Bajo ភាគខាងកើតប្រទេសឥណ្ឌូណេស៊ី នៅថ្ងៃពុធទី១០ខែឧសភា។

(រូបថត៖ Reuters)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេដឹកនាំនៃប្រទេសជាសមាជិកអាស៊ាន ត្រូវបានគេរំពឹងថា នឹងពិភាក្សាអំពីការពង្រឹងភាពនៅកណ្តាលរបស់អាស៊ាន កំណើនសេដ្ឋកិច្ច សន្តិសុខស្បៀងអាហារ និងថាមពល រួមទាំងបញ្ហាផ្សេងទៀតដូចជា បញ្ហានៅមីយ៉ាន់ម៉ា ក៏នឹងត្រូវគ្របដណ្តប់ក្នុងកិច្ចប្រជុំប្រចាំឆ្នាំនេះដែរ ។

ទន្ទឹមនោះ កិច្ចប្រជុំកំពូលនេះ ត្រូវបានគេរំពឹងថា នឹងត្រួសត្រាយផ្លូវសម្រាប់សមាជិកភាពពេញលេញរបស់ប្រទេសទីម័រខាងកើត។

(រូបថត៖ រដ្ឋាភិបាលទីម័រខាងកើត)

កាល​ពី​ខែ​វិច្ឆិកា​កន្លង​ទៅ អាស៊ាន​បាន​យល់ព្រម​ជា​គោលការណ៍​ ដើម្បី​ទទួល​ប្រទេស​ទីម័រខាងកើត​ជា​សមាជិក​ទី១១របស់​ខ្លួន ហើយពេលនេះ នាយករដ្ឋមន្ត្រីទីម័រខាងកើត លោក Taur Matan Ruak ក៏មានវត្តមាននៅក្នុងកិច្ចប្រជុំកំពូលផងដែរ ក្នុងនាមជាអ្នកសង្កេតការណ៍។

ប្រធានអាស៊ានឆ្នាំនេះគឺ ឥណ្ឌូណេស៊ី បានសម្តែងក្តីសង្ឃឹមយ៉ាងមុតមាំថា ប្លុកនេះនឹងនៅតែជាមជ្ឈមណ្ឌលនៃកំណើនក្នុងតំបន់ និងពិភពលោក ដោយផ្តោតលើកិច្ចខិតខំប្រឹងប្រែងដើម្បីធ្វើឲ្យអាស៊ានក្លាយជាតំបន់សេដ្ឋកិច្ចដែលរីកចម្រើនយ៉ាងឆាប់រហ័ស។

គួរបញ្ជាក់ថា អាស៊ាន​ដែល​ត្រូវ​បាន​បង្កើត​ឡើង​ក្នុង​ឆ្នាំ១៩៦៧ មានប្រទេសដូចជា ព្រុយណេ កម្ពុជា ឥណ្ឌូណេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និង​វៀតណាម៕

ប្រែសម្រួល៖ Vann Vann

ប្រភព៖ Xinhua

ចុចអាន៖ អាស៊ាន ថ្កោលទោស ដាច់អហង្ការ ចំពោះ ការ វាយ ប្រហារ អាកាសរបស់ មីយ៉ាន់ម៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម