ព័ត៌មានអន្ដរជាតិ
អ៊ុយក្រែន ដាច់ខាតមិនទទួលយកសំណើសន្តិភាពដោះដូរនឹងការប្រគល់ទឹកដីឲ្យ រុស្ស៊ី ឡើយ
រដ្ឋមន្ត្រីការបរទេសអ៊ុយក្រែន លោក Dmytro Kuleba បានប្រាប់ប្រេសិតចិនលោក Li Hui ថា ប្រទេសអ៊ុយក្រែននឹងមិនទទួលយកសំណើសន្តិភាព ដែលពាក់ព័ន្ធនឹងការប្រគល់ទឹកដីឲ្យរុស្ស៊ីឡើយ ។

ក្រសួងការបរទេសអ៊ុយក្រែនបានប្រកាសកាលពីថ្ងៃព្រហស្បតិ៍ថា លោក Kuleba បានប្រាប់លោក Li ដែលទទួលបន្ទុកកិច្ចការក្នុងតំបន់អឺរ៉ាស៊ី អំពីគោលការណ៍នៃការស្ដារឡើងវិញនូវសន្តិភាពប្រកបដោយនិរន្តរភាព និងយុត្តិធម៌ដោយផ្អែកលើការគោរពចំពោះអធិបតេយ្យភាព និងបូរណភាពទឹកដីរបស់អ៊ុយក្រែន ។
លោក Kuleba ក៏បានសង្កត់ធ្ងន់ដែរថា អ៊ុយក្រែនមិនទទួលយកសំណើសន្តិភាពណាមួយដែលពាក់ព័ន្ធនឹងការបាត់បង់ទឹកដីរបស់ខ្លួន ឬការបង្កកជម្លោះជាមួយរុស្ស៊ីនោះទេ ។

លោក Kuleba បានជួបតំណាងពិសេសរបស់រដ្ឋាភិបាលចិនគឺលោក Li Hui បន្ទាប់ពីអ្នកការទូតរូបនេះបានធ្វើទស្សនកិច្ចរយៈពេល ២ ថ្ងៃទៅកាន់ប្រទេសអ៊ុយក្រែន ដោយគោរពតាមកិច្ចសន្ទនាតាមទូរស័ព្ទដែលបានធ្វើឡើងកាលពីខែមុនរវាងប្រធានាធិបតីអ៊ុយក្រែនលោក Volodymyr Zelensky និងប្រធានាធិបតីចិន Xi Jinping ។
គួរបញ្ជាក់ថា ការលើកឡើងរបស់រដ្ឋមន្ត្រីការបរទេសអ៊ុយក្រែនរូបនេះក៏បានកើតឡើង បន្ទាប់ពីប្រទេសចិនបានចេញឯកសារមួយកាលពីខែកុម្ភៈ ដោយជំរុញឲ្យរដ្ឋាភិបាលទីក្រុងកៀវ និងមូស្គូធ្វើកិច្ចសន្ទនា និងធ្វើការលើបទឈប់បាញ់ជាដើម ប៉ុន្តែមិនបានអំពាវនាវឲ្យរុស្ស៊ីដកទ័ពចេញពីអ៊ុយក្រែននោះទេ ៕

ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ អតីតមេទ័ពអាមេរិក៖ រុស្ស៊ី អាចបាញ់នុយក្លេអ៊ែរលើ អ៊ុយក្រែន
-
ព័ត៌មានជាតិ៦ ថ្ងៃ មុន
កូនប្រសារសម្ដេច ហេង សំរិន កំពុងកាន់តំណែងនៅរដ្ឋសភា រាជរដ្ឋាភិបាល និងជាអភិបាលខេត្ត
-
ព័ត៌មានអន្ដរជាតិ១ សប្តាហ៍ មុន
ទំនាយ៦យ៉ាងរបស់លោកយាយ Baba Vanga ក្នុងឆ្នាំ២០២៤ ខ្លាំងជាង ២០២៣
-
ព័ត៌មានជាតិ៥ ថ្ងៃ មុន
៣០ ឆ្នាំចុងក្រោយ ឥស្សរជនចំនួន១៤រូប ទទួលបានគោរមងារជា “សម្ដេច”
-
ព័ត៌មានអន្ដរជាតិ៦ ថ្ងៃ មុន
មេទ័ពអាមេរិក ថា សល់ពេល ៣០ ថ្ងៃទៀតប៉ុណ្ណោះ បើអ៊ុយក្រែន វាយរុស្ស៊ី មិនបែក នោះពិបាកហើយ
-
ព័ត៌មានជាតិ៥ ថ្ងៃ មុន
ថ្ងៃសៅរ៍នេះ ទូតបារាំង បើកឱកាសជាថ្មី ឱ្យសាធារណជនចូលទស្សនាឧទ្យានដ៏ស្រស់ស្អាតទំហំជិត៥ហិកតា
-
ព័ត៌មានជាតិ៤ ថ្ងៃ មុន
លោកឧកញ៉ា ចាន់ សុឃាំង បង្ហាញមូលហេតុបង្កឱ្យស្រូវប្រែប្រួលតម្លៃ
-
សន្តិសុខសង្គម២ ថ្ងៃ មុន
បងថ្លៃស្រីចាក់សម្លាប់ប្អូនស្រី និងកូនអាយុជាងមួយឆ្នាំប្លន់យកលុយជាង៤០លានរៀល
-
ព័ត៌មានជាតិ៤ ថ្ងៃ មុន
ទីបំផុត ស្រ្តីតែងខ្លួនជាប្រុសម្នាក់ត្រូវបានសមត្ថកិច្ចចាប់ខ្លួន ក្រោយតាមរំខានយុវតីម្នាក់រាប់ឆ្នាំ