ព័ត៌មានអន្ដរជាតិ
អាមេរិក មិនលក់យន្តហោះចម្បាំង F-35 ឲ្យ ថៃ ឡើយ ព្រោះវាទំនើបពេកសម្រាប់ប្រទេសនេះ
សហរដ្ឋអាមេរិកបានច្រានចោលសំណើរបស់កងទ័ពអាកាសថៃ (RTAF) ក្នុងការបញ្ជាទិញយន្តហោះចម្បាំង F-35 ចំនួន ២ គ្រឿង ក្រោមហេតុផលថា ប្រទេសថៃមិនទាន់ត្រៀមខ្លួនសម្រាប់ទទួលយកយន្តហោះទំនើបបែបនេះនៅឡើយទេ ។
ប្រភពពីកងទ័ពអាកាសថៃបានឲ្យដឹងកាលពីថ្ងៃអង្គារថា ឯកអគ្គរដ្ឋទូតសហរដ្ឋអាមេរិកលោក Robert Godec បានជួបជាមួយប្រធានកងទ័ពអាកាសថៃគឺលោកមេបញ្ជាការ Alongkorn Wannarot កាលពីសប្តាហ៍មុន ដើម្បីនិយាយប្រាប់ដោយផ្ទាល់មាត់អំពីការសម្រេចចិត្តរបស់ទីក្រុងវ៉ាស៊ីនតោន ហើយលោក Godec បាននិយាយថា កងទ័ពអាកាសថៃ មិនទាន់មានគ្រឿងបរិក្ខារ ឬវិធានការសន្តិសុខពេញលេញដើម្បីផ្ទុកយន្តហោះចម្បាំងនេះនោះទេ ។
ទោះជាយ៉ាងណាក៏ដោយ ការបដិសេធនេះត្រូវបានគេមើលឃើញថា ប្រហែលជាក៏ដោយសារតែរដ្ឋបាលរបស់លោកប្រធានាធិបតី Joe Biden ជឿថា រដ្ឋាភិបាលទីក្រុងបាងកកកំពុងងាកទៅរកទីក្រុងប៉េកាំងច្រើនជាងចំពោះការចង់បានយន្តហោះ F-35 នេះ ។
ស្របពេលជាមួយគ្នានោះ ប្រេសិតអាមេរិករូបនេះក៏បានបញ្ជាក់ប្រាប់ភាគីថៃដែរថា “នៅពេលណាដែលប្រទេសថៃត្រៀមខ្លួនរួចរាល់ហើយនោះ សហរដ្ឋអាមេរិកនឹងសុខចិត្តធ្វើកិច្ចពិភាក្សាមួយផ្សេងទៀតស្តីពីការទិញយន្តហោះចម្បាំង F-35 នេះ” ។
ពាក់ព័ន្ធនឹងបញ្ហានេះដែរ កងទ័ពអាកាសថៃក៏មិនទទួលរងការខូចខាតណាមួយពីការបដិសេធនេះឡើយ ក្រៅតែពីប្រាក់ចំនួន ៣៦៩ លានបាតដែលខ្លួនបានដកពីថវិកាជាតិ ឆ្នាំ២០២៣ ។ ចំនួនទឹកប្រាក់នេះត្រូវបានគេកំណត់សម្រាប់ការបញ្ជាទិញលើកដំបូង ក្នុងករណីបើសហរដ្ឋអាមេរិកយល់ព្រមលក់យន្តហោះចម្បាំង F-35 ឲ្យប្រទេសថៃ ។
គួរបញ្ជាក់ថា កងទ័ពអាកាសថៃបាននឹងកំពុងជំរុញឲ្យមានការបញ្ជាទិញយន្តហោះចម្បាំង F-35 ចំនួន ២ គ្រឿងក្នុងតម្លៃ ៧.៣៨ ពាន់លានបាត ដើម្បីជំនួសយន្តហោះចម្បាំង F-16 ចាស់របស់ខ្លួន ។ ទោះជាយ៉ាងណាក៏ដោយ លោក Alongkorn ធ្លាប់បានលើកឡើងកាលពីឆ្នាំមុនថា ឱកាសដែលអាមេរិកយល់ព្រមលក់យន្តហោះនេះគឺមានត្រឹមតែ ៥០ ភាគរយប៉ុណ្ណោះ ដូច្នេះខាងកងទ័ពគឺបានត្រៀមចិត្តទុករួចទៅហើយ ៕
ប្រែសម្រួលដោយ ៖ ជីវ័ន្ត
ប្រភព ៖ The Nation Thailand
ចុចអាន ៖ លោក ប្រាយុទ្ធ ស្នើសមាជិកសភាបក្សរបស់ខ្លួន សិក្សាលទ្ធផលបោះឆ្នោត សកលឲ្យអស់ពីសមត្ថភាព
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង