ព័ត៌មានអន្ដរជាតិ
គម្រោងវិលចូលស្រុករបស់លោក ថាក់ស៊ីន មិនផ្លាស់ប្តូរឡើយ តែអាស្រ័យលើស្ថានភាព
អតីតនាយករដ្ឋមន្ត្រីថៃលោក ថាក់ស៊ីន ស៊ីណាវ៉ាត្រា នៅតែគ្រោងវិលត្រលប់ចូលស្រុកវិញ នៅខែកក្កដាខាងមុខ ប៉ុន្តែរឿងរ៉ាវគឺអាស្រ័យលើស្ថានភាពនៅក្នុងប្រទេស។ នេះបើតាមការបញ្ជាក់ពីកូនស្រីរបស់គាត់គឺលោកស្រី Paetongtarn Shinawatra នៅថ្ងៃពុធទី៧ខែមិថុនា។
លោកស្រី Paetongtarn បានលើកឡើងនៅឯទីស្នាក់ការកណ្តាលគណបក្សភឿថៃថា លោក ថាក់ស៊ីន កំពុងរៀបចំសម្រាប់ការវិលត្រលប់ចូលស្រុក ហើយនេះអាចមានទំនាក់ទំនងជាមួយភ្នាក់ងាររដ្ឋាភិបាលដែលជាប់ពាក់ព័ន្ធ។
លោកស្រី Paetongtarn និយាយថា គ្រួសាររបស់លោកស្រី ក៏កំពុងរៀបចំផងដែរ ឲ្យការវិលត្រលប់របស់លោក ថាក់ស៊ីន មានភាពងាយស្រួលនិងសុវត្ថិភាព។ លោកស្រីបន្តថា “យើងបានរៀបចំវិធីជាច្រើនសម្រាប់ការទទួលគាត់ ដោយសារយើងមិនដឹងថាតើនឹងត្រូវការអ្វីខ្លះឬនឹងមានអ្វីកើតឡើង”។
លើសពីនេះ លោកស្រីបន្ថែមថា ក្រុមគ្រួសារក៏កំពុងរង់ចាំការណែនាំពីលោកថាក់ស៊ីនផងដែរ អំពីអ្វីដែលគួរធ្វើ ដើម្បីត្រៀមខ្លួនសម្រាប់ការវិលត្រលប់របស់គាត់។ សម្រាប់ពេលនេះ កាលវិភាគសម្រាប់ការត្រលប់របស់គាត់នៅតែមិនផ្លាស់ប្តូរក្នុងខែកក្កដា។ យ៉ាងណា វាក៏អាស្រ័យលើស្ថានភាពនយោបាយនិងប្រទេសជាតិដែរ។
គួរបញ្ជាក់ជាថ្មី លោកថាក់ស៊ីន ត្រូវបានផ្ដួលរំលំដោយរដ្ឋប្រហារយោធានៅថ្ងៃទី១៩ខែកញ្ញាឆ្នាំ២០០៦ ខណៈពេលគាត់នៅក្រៅប្រទេស។ ចាប់តាំងពីពេលនោះមក គាត់បានរស់នៅក្នុងការនិរទេសខ្លួនឯង៕
ប្រែសម្រួល៖ Vann Vann
ប្រភព៖ Bangkok Post
ចុចអាន៖ លោក ថាក់ស៊ីន បញ្ជាក់ច្បាស់ៗពីពេលវេលាវិលត្រឡប់ចូលស្រុកវិញ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង