ព័ត៌មានអន្ដរជាតិ
អាស៊ាន ប្រកាសធ្វើសមយុទ្ធយោធារួមគ្នាលើកដំបូង នៅសមុទ្រចិនខាងត្បូង
ប្លុកអាស៊ីអាគ្នេយ៍ នឹងធ្វើសមយុទ្ធយោធារួមគ្នាជាលើកដំបូងមិនធ្លាប់មានសោះ នៅក្នុងសមុទ្រចិនខាងត្បូង ដែលនេះជាសមយុទ្ធសន្តិសុខពហុភាគីចុងក្រោយបង្អស់ ចំពេលមានភាពតានតឹងកើនឡើងខ្លាំងនៅក្នុងតំបន់។ នេះបើតាមការបញ្ជាក់ពីប្រធានអាស៊ាន គឺប្រទេសឥណ្ឌូណេស៊ី កាលពីថ្ងៃព្រហស្បតិ៍ ទី៨ ខែមិថុនា។
ការសម្រេចចិត្តនេះ ត្រូវបានធ្វើឡើងក្នុងកិច្ចប្រជុំរបស់មេបញ្ជាការយោធា នៃសមាគមប្រជាជាតិអាស៊ីអាគ្នេយ៍ដែលមានសមាជិក ១០ ប្រទេសនៅឥណ្ឌូណេស៊ី ខណៈរដ្ឋាភិបាលទីក្រុងហ្សាការតា ប្រកាសថា នឹងរៀបចំសមយុទ្ធនេះក្នុងដែនទឹក ណាទូណាខាងជើង នៃសមុទ្រចិនខាងត្បូង ។
មេទ័ពឥណ្ឌូណេស៊ី ឧត្តមនាវីឯក Yudo Margono បានប្រាប់ទីភ្នាក់ងារសារព័ត៌មានរដ្ឋ Antara ថា សមយុទ្ធនេះនឹងធ្វើឡើងក្នុងខែកញ្ញា ប៉ុន្តែនឹងមិនបូករួមការហ្វឹកហ្វឺនប្រតិបត្តិការប្រយុទ្ធណាមួយឡើយ ហើយគោលបំណងនៃសមយុទ្ធនេះ គឺពង្រឹងអព្យាក្រឹតភាព របស់អាស៊ាន ។
ស្របពេលជាមួយគ្នានោះ អ្នកនាំពាក្យយោធាឥណ្ឌូណេស៊ីលោក Julius Widjojono បាននិយាយថា សមយុទ្ធនេះគឺទាក់ទងទៅនឹងហានិភ័យខ្ពស់ នៃគ្រោះមហន្តរាយក្នុងតំបន់អាស៊ី ជាពិសេសអាស៊ីអាគ្នេយ៍។
គួរបញ្ជាក់ថា ស្ថានភាពនៅសមុទ្រចិនខាងត្បូង កាន់តែតានតឹងឡើងៗ ព្រោះទីនោះជាកន្លែងមានសារសំខាន់ផ្នែកភូមិសាស្រ្ត ហើយមានប្រទេសជាច្រើនប្រកួតប្រជែងគ្នា ដណ្តើមផលប្រយោជន៍ ខណៈក្នុងហេតុការណ៍ថ្មីបំផុត ប្រទេសវៀតណាមបានរិះគន់ចិនចំពោះការដាក់ពង្រាយនាវាស្រាវជ្រាវនៅក្បែរកន្លែងរុករកឧស្ម័នក្នុងតំបន់សេចកិច្ចផ្តាច់មុខរបស់ខ្លួន៕
ប្រែសម្រួល៖ Vann Vann
ប្រភព៖ VN Express
ចុចអាន៖ ៣៦ប្រទេស ចាប់ផ្តើមសមយុទ្ធជើងទឹក នៅឥណ្ឌូណេស៊ី ចំពេលតំបន់អាស៊ីប៉ាស៊ីហ្វិក កំពុងតានតឹងខ្លាំង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ