Connect with us

ព័ត៌មានអន្ដរជាតិ

ចូ បៃដិន៖ លោកខាងលិច ធ្វើគ្រប់យ៉ាង ដើម្បីអ៊ុយក្រែន

បានផុស

នៅ

ប្រធានាធិបតីអាមេរិកលោក ចូ បៃដិន បានអះអាងបន្ទាប់ពីជួបជាមួយនាយករដ្ឋមន្ត្រីអង់គ្លេស រីស៊ី ស៊ូណាក់ នៅសេតវិមានថា ទីក្រុងវ៉ាស៊ីនតោន និងសម្ព័ន្ធមិត្តរបស់ខ្លួន បានខិតខំយ៉ាងខ្លាំងក្នុងការបំពាក់អាវុធ និងរៀបចំឲ្យអ៊ុយក្រែន សម្រាប់ការវាយបក ប្រឆាំងកងកម្លាំងរុស្ស៊ី។

នាយករដ្ឋមន្ត្រីអង់គ្លេសលោក រីស៊ី ស៊ូណាក់ (ឆ្វេង) និងប្រធានាធិបតីអាមេរិកលោក ចូ បៃដិន (រូបថត៖ AP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក បៃដិន បានប្រាប់អ្នកយកព័ត៌មានកាលពីថ្ងៃព្រហស្បតិ៍ទី៨ខែមិថុនា ក្នុងសន្និសីទសារព័ត៌មានរួមគ្នាជាមួយលោក ស៊ូណាក់ នៅទីក្រុងវ៉ាស៊ីនតោន ថា “យើងបានធ្វើគ្រប់បែបយ៉ាងតាមដែលអាច ដើម្បីឲ្យពួកគេត្រៀមខ្លួន និងដើម្បីគាំទ្រ”។

ប្រធានាធិបតីអាមេរិកលោក ចូ បៃដិន (រូបថត៖ AP)

ការអត្ថាធិប្បាយរបស់ប្រធានាធិបតីអាមេរិក កើតឡើង ចំពេលមានរបាយការណ៍ថា កងកម្លាំងអ៊ុយក្រែន កំពុងជួបប្រទះការខាតបង់ធ្ងន់ធ្ងរ នៅពេលពួកគេប្រយុទ្ធ ដើម្បីទម្លុះខែលការពាររបស់រុស្ស៊ី។

យោងតាមក្រសួងការពារជាតិរុស្ស៊ី, កងកម្លាំងអ៊ុយក្រែនបានបាត់បង់ទាហានជាង៣៧០០នាក់ រថក្រោះ៥២គ្រឿង និងរថពាសដែករាប់រយគ្រឿង ក្នុងអំឡុងពេលបីថ្ងៃដំបូង នៃការវាយប្រហាររបស់ពួកគេ។

រដ្ឋមន្ត្រីការពារជាតិរុស្ស៊ី លោក សឺហ្គៃ សយហ្គូ បាននិយាយកាលពីដើមសប្តាហ៍ថា ទាហានរុស្ស៊ីត្រឹមតែ៧១នាក់ប៉ុណ្ណោះ ដែលត្រូវបានសម្លាប់ក្នុងរយៈពេលដូចគ្នានេះ។ លោកបន្ថែមកាលពីថ្ងៃព្រហស្បតិ៍ថា កងពលមេកានិចទី៤៧របស់អ៊ុយក្រែន បានដកថយបន្ទាប់ពីបាត់បង់ទាហាន៣៥០នាក់និងរថក្រោះ៣០គ្រឿង នៅក្នុងការវាយប្រហារចុងក្រោយបង្អស់លើខ្សែត្រៀមជួរមុខ Zaporozhye៕

ប្រែសម្រួល៖​ Vann Vann

ប្រភព៖ RT

ចុចអាន៖ រុស្ស៊ី បង្ហាញទំហំនៃការខូចខាត និងចំនួនអ្នកស្លាប់ ក្នុងសមរភូមិ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៦ ម៉ោង មុន

បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព

ព័ត៌មានជាតិ៥ ម៉ោង មុន

រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO  ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ

ព័ត៌មានជាតិ១៤ ម៉ោង មុន

គម្រោងអភិវឌ្ឍន៍ប្រព័ន្ធធារាសាស្ត្រដ៏ធំនៅខេត្តបន្ទាយមានជ័យ នឹងជួយបង្កបង្កើនផលដល់កសិករ និងកាត់បន្ថយទឹកជំនន់

ព័ត៌មានជាតិ៩ ម៉ោង មុន

តំណាងអយ្យការសម្រេចចោទប្រកាន់លោក ស្រី ស៊ីណា លើសំណុំរឿង២ និងដោះលែងមនុស្ស២នាក់វិញ

សន្តិសុខសង្គម១៣ ម៉ោង មុន

ក្រុមទម្លាក់យោងម្នាក់ ក្នុងចំណោមបក្ខពួក​៣នាក់ ត្រូវនគរបាលខេត្តកំពង់ស្ពឺឃាត់ខ្លួន

Sokha Hotels

ព័ត៌មានពេញនិយម