ទម្លាយទ្រព្យសម្បត្តិនិងមុខជំនួញរបស់មហាសេដ្ឋីអង់គ្លេស ដែលជាប់ក្នុងយានជ្រមុជទឹក Titan

យានជ្រមុជទឹក Titan បានបាត់ការទាក់ទងជាមួយនាវានៅផ្ទៃខាងលើកាលពីថ្ងៃអាទិត្យ ទី១៨ ខែមិថុនា ឆ្នាំ២០២៣ ខណៈធ្វើដំណើរចុះទៅបាតសមុទ្រដើម្បីមើលខ្មោចកប៉ាល់ Titanic ។

យាន Titan មានដឹកមនុស្សចំនួន ៥ នាក់ ហើយអ្វីដែលគួរឲ្យកត់សម្គាល់គឺថា ក្នុងនោះមានមហាសេដ្ឋីល្បីឈ្មោះម្នាក់ជាជនជាតិអង់គ្លេស ។ លោក Hamish Harding មហាសេដ្ឋីអង់គ្លេសវ័យ៥៨ឆ្នាំមានទ្រព្យសម្បត្តិសរុប ១ ពាន់លានដុល្លារ បើគិតត្រឹមឆ្នាំ ២០២៣ ។

មហាសេដ្ឋីខាងលើជាអ្នកជំនួញ អ្នកបើកយន្តហោះ អ្នកស្រាវជ្រាវ និងជាអ្នកទេសចរនៅលំហអាកាសទៀតផង ។ ជាពិសេសលោកជាស្ថាបនិកនៃ Action Group និងជាប្រធានក្រុមហ៊ុន Action Aviation ដែលជាក្រុមហ៊ុនឈ្មួញជើងសាយន្តហោះអន្តរជាតិ មានការិយាល័យ​ក​ណ្តា​លនៅទីក្រុងឌូបៃ ប្រទេសអារ៉ាប់រួម ។

ក្រៅពីលោក Hamish មនុស្ស ៤ នាក់ទៀតដែលជាប់ក្នុងយាន Titan មានដូចជា មហាសេដ្ឋីជនជាតិប៉ាគីស្ថានឈ្មោះ Shahzada Dawood អាយុ ៤៨ ឆ្នាំ និងកូនប្រុសវ័យជំទង់របស់គាត់ឈ្មោះ Sulaiman Dawood អាយុ ១៩ ឆ្នាំ អ្នករុករកបារាំងឈ្មោះ Paul-Henri Nargeolet និងនាយកប្រតិបត្តិក្រុមហ៊ុន OceanGate ឈ្មោះ Stockton Rush ៕

ប្រែសម្រួល៖ វារី

ប្រភព៖ CNN

ចុចអាន៖ មកស្គាល់ មនុស្សទាំង៥នាក់ ដែលជាប់ក្នុងនាវាមុជទឹក មានទាំងមហាសេដ្ឋីនិង នាយកប្រតិបត្តិក្រុមហ៊ុន

ចុចអាន៖ តាមពិត ភរិយាអ្នកបើកយានជ្រមុជទឹក  ជាប់សាច់ឈាមអ្នកស្លាប់ក្នុងហេតុការណ៍លិចកប៉ាល់ Titanic