ព័ត៌មានអន្ដរជាតិ
កូនប្រុសលោកស្រី អ៊ុងសាន ស៊ូជី ៖ “ខ្ញុំមិនឲ្យម្ដាយដេកក្នុងពន្ធនាគារទេ”
កូនប្រុសរបស់លោកស្រី អ៊ុងសាន ស៊ូជី បានរិះគន់ទៅដល់យោធាមីយ៉ាន់ម៉ា និងបានអះអាងប្រាប់ពិភពលោកថា មេដឹកនាំយោធាប្រទេសនេះមិនបានផ្តល់ព័ត៌មានអំពីការជាប់ពន្ធនាគាររបស់ម្ដាយលោកនោះទេ ។
លោក Kim Aris កូនប្រុសពៅរបស់មេដឹកនាំដែលត្រូវបានបណ្តេញចេញពីតំណែង និងជាអ្នកឈ្នះពានរង្វាន់ណូបែលសន្តិភាព បានប្រាប់សារព័ត៌មាន BBC ក្នុងបទសម្ភាសន៍មួយថា “ខ្ញុំមិនអាចឲ្យម្តាយរបស់ខ្ញុំដេកក្នុងគុកបានទេ ហើយសូមជំរុញឲ្យពិភពលោកធ្វើការបន្ថែមទៀតដើម្បីជួយដល់ម្ដាយរបស់ខ្ញុំ” ។
លោក Aris ដែលជាជនជាតិអង់គ្លេសបានលើកឡើងទៀតថា “វាជាការប្រសើរសម្រាប់ខ្ញុំដែលមិនប្រឡូកក្នុងឆាកនយោបាយ ។ ម្តាយរបស់ខ្ញុំមិនដែលចង់ឲ្យខ្ញុំចូលរួមជីវិតនយោបាយនោះទេ ប៉ុន្តែពេលនេះម្ដាយរបស់ខ្ញុំត្រូវបានកាត់ទោស ហើយយោធាច្បាស់ជាមិនពេញចំពោះខ្ញុំដែលនិយាយបែបនេះនោះទេ ។
កូនប្រុសរបស់លោកស្រី ស៊ូជី បាននិយាយទៀតថា លោកបានព្យាយាមទាក់ទងទៅស្ថានទូតមីយ៉ាន់ម៉ានៅចក្រភពអង់គ្លេស ការិយាល័យការបរទេសអង់គ្លេស និងកាកបាទក្រហមអន្តរជាតិរួចហើយផងដែរ ប៉ុន្តែមិនមានអ្វីឆ្លើយតបមកកាន់លោកវិញឡើយ ។
លោក Aris បានប្រាប់ទូរទស្សន៍អង់គ្លេសថា លោកមិនមានព័ត៌មានណាមួយ ឬស្ថានភាពសុខភាពម្ដាយរបស់លោកនោះទេ ហើយលោកស្នើសហគមន៍អន្តរជាតិត្រូវតែចាប់ផ្តើមធ្វើអ្វីមួយ រួមទាំងការដាក់ទណ្ឌកម្មអាវុធលើយោធា និងគាំទ្រអ្នកដែលកំពុងព្យាយាមប្រយុទ្ធនឹងយោធាផងដែរ ជាពិសេសសូមធ្វើការដោះលែងម្តាយរបស់លោក ។
លោកស្រី ស៊ូជី បានចាកចេញពីចក្រភពអង់គ្លេស និងត្រឡប់មកកាន់ប្រទេសមីយ៉ាន់ម៉ាវិញនៅឆ្នាំ ១៩៨៨ ហើយកូនប្រុសទាំងពីររបស់លោកស្រីរស់នៅបែបពីម្ដាយ ចាប់តាំងពីពេលនោះមក ។
គួរបញ្ជាក់ថា រដ្ឋាភិបាលជាប់ឆ្នោតតាមបែបប្រជាធិបតេយ្យរបស់លោកស្រី ស៊ូជី ត្រូវបានផ្តួលរំលំដោយយោធាកាលពីថ្ងៃទី១ ខែកុម្ភៈ ឆ្នាំ ២០២១ ហើយចាប់តាំងពីពេលនោះមកលោកស្រីត្រូវបានកាត់ទោសឲ្យជាប់ពន្ធនាគាររយៈពេល ៣៣ ឆ្នាំនៅក្នុងបទចោទប្រកាន់ជាបន្តបន្ទាប់ ៕
ប្រែសម្រួលដោយ ៖ ជីវ័ន្ត
ប្រភព ៖ Independent
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ២ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១៤ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានជាតិ៦ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ