ក្រោយរកឃើញវីរុសកូរ៉ូណាបម្លែងខ្លួនប្រភេទថ្មី ប្រធានាធិបតីហ្វីលីពីនប្រាប់ក្មេងៗនៅផ្ទះមើលទូរទស្សន៍
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ក្រោយរកឃើញវីរុសកូរ៉ូណាបម្លែងខ្លួនប្រភេទថ្មី ប្រធានាធិបតីហ្វីលីពីនប្រាប់ក្មេងៗនៅផ្ទះមើលទូរទស្សន៍

បានផុស

នៅ

ប្រធានាធិបតីហ្វីលីពីនលោក Rodrigo Duterte បានធ្វើការហាមឃាត់ដល់ក្មេងៗមិនឲ្យចាកចេញពីផ្ទះរហូតដល់ចុងខែកុម្ភៈ បន្ទាប់ពីប្រទេសនេះបានរកឃើញវីរុសកូរ៉ូណាបម្លែងខ្លួនប្រភេទថ្មីរួមទាំងកើតឡើងលើក្មេង ៣ នាក់ផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Rodrigo Duterte បានប្រាប់ប្រជាជាតិថា “ត្រឡប់ទៅផ្ទះរបស់អ្នកវិញ ហើយក្រៅពីនេះជម្រើសល្អគឺមើលទូរទស្សន៍ ។ ពួកគេអាចយកចិត្តទុកដាក់របស់ពួកគេទៅលើទូរទស្សន៍ពេញមួយថ្ងៃ” ។

ការបញ្ជារបស់លោក Duterte បានបញ្ចប់ការលើកឡើងរបស់ក្រុមការពារជំងឺកូវីដ ១៩ ក្នុងប្រទេសដែលថា កុមារដែលមានអាយុពី ១០ ទៅ ១៤ ឆ្នាំនឹងត្រូវបានអនុញ្ញាតិឲ្យនៅខាងក្រៅម្តងទៀតចាប់ពីខែកុម្ភៈ ។

លោកប្រធានាធិបតីបានអះអាងថា ការសម្រេចចិត្តនេះត្រូវបានធ្វើឡើងចំពេលមានការព្រួយបារម្ភកាន់តែខ្លាំងអំពីការរីករាលដាលបន្ថែមទៀតនៃវីរុសកូរ៉ូណាបម្លែងខ្លួនប្រភេទថ្មីដែលត្រូវបានរកឃើញនៅចក្រភពអង់គ្លេស និងត្រូវបានរកឃើញលើមនុស្សចំនួន១៧ នាក់នៅក្នុងប្រទេសរួមទាំងកុមារ ៣ នាក់ផងដែរ ។

លោកបាននិយាយនៅក្នុងសុន្ទរកថាប្រចាំសប្តាហ៍របស់លោកថា “ខ្ញុំពិតជាខ្លាចណាស់ ព្រោះថាមេរោគថ្មីនេះធ្វើឲ្យក្មេងៗបាត់បង់ជីវិត” ។

រដ្ឋាភិបាលរបស់លោក Duterte បានដាក់កម្រិតតឹងរឹងបំផុតមួយចំនួនលើពិភពលោកលើប្រជាជនរបស់ខ្លួនរួមទាំងការហាមឃាត់ការធ្វើដំណើរនៅខាងក្នុងប្រទេស និងបានហាមឃាត់ជាផ្លូវការដល់អនីតិជនមិនឲ្យចាកចេញពីផ្ទះតាំងពីខែមីនាឆ្នាំមុនមកម្ល៉េះ ។

ហ្វីលីពីនគឺជាប្រទេសមួយនៅអាស៊ីអាគ្នេយ៍ដែលរងគ្រោះធ្ងន់ធ្ងរជាងគេដោយសារវីរុសកូរ៉ូណា ខណៈមានអ្នកឆ្លងជាងកន្លះលានករណី និងមានមនុស្សស្លាប់ជាង ១០,០០០ នាក់ចាប់តាំងពីរោគរាតត្បាតកើតឡើង ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ វីរុសបម្លែងខ្លួនប្រភេទថ្មីសាហាវជាងកូវីដ ផ្ទុះការចម្លងក្នុងសហគមន៍ ហ្វីលីពីន

ចុចអាន ៖ ផ្ទុះការបាញ់ប្រហារនៅភាគខាងត្បូងប្រទេសហ្វីលីពីន ស្លាប់ ១៣ នាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

ថ្ងៃទី​១៤​មិថុនា​នេះ ​ផ្ទះ​បណ្តែត​ទឹក និង​បែ​ត្រី​ដែល​ព្រម​ស្ម័គ្រ​ចិត្ត​រុះរើ និង​ចល័ត​ចេញ​ដោយ​ខ្លួនឯង​សង្កាត់​ព្រែក​៩៣% សង្កាត់​សំរោង​១០០%

កូវីដ-១៩៤២ នាទី មុន

ស្ត្រី​មាន​ផ្ទៃពោះ​ម្នាក់ ​រស់នៅ​ភូមិ​ព្រះ​ទ្រ​ហ៊ឹង ​ឃុំ​ព្រែក​ក្រឹស ​ស្រុក​កំពង់ត្រាច​ ខេត្តកំពត ​បាន​ស្លាប់​បាត់​បង់ជីវិត​ដោយសារ​ជំងឺ​កូ​វីដ១៩

ព័ត៌មានជាតិ២ ម៉ោង មុន

ព្រឹកស្អែក​នេះ សម្តេច ហេង សំរិន នឹង​ដឹកនាំ​ប្រជុំ ដើម្បី​ពិនិត្យមើល​បេក្ខភាព​ប្រធាន គ​.​ជ​.​ប

ព័ត៌មានជាតិ២ ម៉ោង មុន

ក្រសួង​ការងារ​នឹង​ប្រារព្ធ​ទិវា​ជាតិ​អប់រំ​បណ្តុះបណ្តាល​បច្ចេកទេស​វិជ្ជាជីវៈ លើក​ទី​៤ ឆ្នាំ​២០២១​នៅ​ថ្ងៃស្អែក

ព័ត៌មានជាតិ២ ម៉ោង មុន

ក្រុមហ៊ុនជប៉ុន Yamato Green ចង់ឱ្យកម្ពុជាដាំដុះរុក្ខជាតិកញ្ឆាដើម្បីនាំចេញទៅជប៉ុន និងអាមេរិក

Sokha Hotels

ព័ត៌មានពេញនិយម

Helistar Cambodia - Helicopter Charter Services