ព័ត៌មានអន្ដរជាតិ
អាមេរិក ព្រមានថា រុស្ស៊ី អាចកំណត់គោលដៅលើកប៉ាល់ស៊ីវិល ក្នុងសមុទ្រខ្មៅ
សហរដ្ឋអាមេរិកព្រមានថា លើសពីការវាយប្រហារនាពេលថ្មីៗទៅលើរោងចក្រគ្រាប់ធញ្ញជាតិរបស់អ៊ុយក្រែន រុស្ស៊ីក៏អាចនឹងវាយប្រហារលើកប៉ាល់ស៊ីវិលនៅក្នុងសមុទ្រខ្មៅ ផងដែរ។
កាលពីថ្ងៃពុធទី១៩ខែកក្កដា រុស្ស៊ីបានចាត់ទុកកប៉ាល់ទាំងអស់ ដែលធ្វើដំណើរទៅកំពង់ផែអ៊ុយក្រែន គឺជាកប៉ាល់ដឹកជញ្ជូនទំនិញយោធាដ៏មានសក្តានុពល ហើយរឿងនេះកើតឡើង បន្ទាប់ពីរុស្ស៊ី សម្រេចចិត្តដកខ្លួនចេញពីកិច្ចព្រមព្រៀង នាំចេញគ្រាប់ធញ្ញជាតិអ៊ុយក្រែន ពីកំពង់ផែសមុទ្រខ្មៅ។
នៅក្នុងសេចក្តីថ្លែងការណ៍មួយ អ្នកនាំពាក្យក្រុមប្រឹក្សាសន្តិសុខជាតិសេតវិមាន និយាយថា ប្រទេសរុស្ស៊ី បានចេញផ្សាយវីដេអូដែលបង្ហាញពីការរកឃើញ និងការបំផ្ទុះមីនក្នុងសមុទ្រអ៊ុយក្រែន។ មន្ត្រីអាមេរិក មានព័ត៌មានដែលបង្ហាញថា រុស្ស៊ីបានពង្រាយគ្រាប់មីនសមុទ្របន្ថែមទៀត នៅក្នុងដែនទឹកដែលតភ្ជាប់ទៅកាន់កំពង់ផែអ៊ុយក្រែន។
សេចក្តីថ្លែងការណ៍របស់សហរដ្ឋអាមេរិកបានលើកឡើងទៀតថា “យើងជឿថា នេះគឺជាការរៀបចំ ដើម្បីបង្ហាញអំពីភាពត្រឹមត្រូវ នៃការវាយប្រហារណាមួយប្រឆាំងនឹងកប៉ាល់ស៊ីវិល ក្នុងសមុទ្រខ្មៅ ហើយដាក់ការស្តីបន្ទោសដល់អ៊ុយក្រែន ចំពោះការវាយប្រហារទាំងនោះ។ យើងបានសង្កេតរួចហើយថា កាលពីថ្ងៃទី១៨និង១៩ខែកក្កដា រុស្ស៊ីបានកំណត់គោលដៅលើការនាំចេញគ្រាប់ធញ្ញជាតិរបស់អ៊ុយក្រែន នៅទីក្រុង Odesa ដោយគ្រាប់មីស៊ីលនិងយន្តហោះគ្មានមនុស្សបើក ដែលបណ្តាលឲ្យមានការបំផ្លិចបំផ្លាញហេដ្ឋារចនាសម្ព័ន្ធកសិកម្មនិងគ្រាប់ធញ្ញជាតិ ៦ម៉ឺនតោន”។
គួរបញ្ជាក់ឡើងវិញ ក្រោយរុស្ស៊ី សម្រេចដកខ្លួនចេញពីកិច្ចព្រមព្រៀងនេះ អគ្គលេខាធិការអង្គការសហប្រជាជាតិ លោក Antonio Guterres បាននិយាយថា មនុស្សរាប់លាននាក់នឹងត្រូវប្រឈមភាពអត់ឃ្លាន ហើយរងទុក្ខវេទនា។
លោកបានប្រាប់អ្នកសារព័ត៌មាន នៅឯទីស្នាក់ការ UN ក្នុងទីក្រុងញូវយ៉កថា ចំណាត់ការរបស់ទីក្រុងមូស្គូ នឹងវាយប្រហារដល់មនុស្សដែលត្រូវការជំនួយ នៅគ្រប់ទីកន្លែង៕
ប្រែសម្រួល៖ Vann Vann
ប្រភព៖ NHK
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង