ព័ត៌មានអន្ដរជាតិ

ហាងកាហ្វេជាច្រើននៅថៃ ប្រកាសឈប់លក់ភេសជ្ជៈសំណព្វរបស់កូនស្រីលោកថាក់ស៊ីន ព្រោះពាក់ព័ន្ធនយោបាយ

បានផុស

៣ years មុន

នៅ

ថ្ងៃអង្គារ ២៥ កក្កដា ២០២៣

ដោយ

បន្ទាប់ពីសាងភាពល្បីល្បាញមិនបានប៉ុន្មានផង កាលពីពេលថ្មីៗនេះហាងកាហ្វេនិងហាងនំខេកជាច្រើនបានប្រកាសលុបចោល Mint chocolate ដែលជាភេសជ្ជៈសំណព្វរបស់កូនស្រីលោកថាក់ស៊ីន ក្រោយគណបក្សភឿថៃប្រើដើម្បីស្វាគមន៍អ្នកនយោបាយមកពីគណបក្សផ្សេងៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ មុនពេលប្រកាសឈប់លក់ភេសជ្ជៈមួយប្រភេទនេះ Mint chocolate បានក្លាយជាបាតុភូតមួយក្នុងរង្វង់ហាងកាហ្វេជាច្រើនដែលមានភេសជ្ជៈសូកូឡា។ ក្រោយមក វាបានក្លាយជាភេសជ្ជៈនិមិត្តរូបនយោបាយដែលគណបក្សភឿថៃប្រើសម្រាប់ស្វាគមន៍គណបក្សនយោបាយដែលមកពិភាក្សា ក្នុងការបោះឆ្នោតជ្រើសរើសនាយករដ្ឋមន្ត្រីដែលគ្រោងធ្វើនៅថ្ងៃទី ២៧ ខែកក្កដាខាងមុខនេះទៅវិញ។

លើសពីនេះ ទំព័រអ្នកគាំទ្រហាងកាហ្វេ ThinkLab creative space and cafe របស់បក្សភឿថៃ បានបង្ហោះរូបភាពសោកស្ដាយ ដែលបណ្ដាលឲ្យមនុស្សជាច្រើនបញ្ចេញមតិ និងសួរសំណួរទៅកាន់ហាងថា ហេតុអ្វីយកភេសជ្ជៈដែលមនុស្សកំពុងពេញនិយមមកបម្រើឲ្យអ្នកនយោបាយទៅវិញ? ក្នុងនោះមានហាងមួយក្នុងចំណោមហាងដែលបានប្រកាសពីការបញ្ចប់ការលក់របស់ភេសជ្ជៈមួយនេះបានផ្ដល់ហេតុផលយ៉ាងខ្លីថា ឥឡូវនេះមនុស្សជាច្រើនប្រហែលជាមិនចង់ផឹកទៀតទេ ហើយសូមបិទមីនុយតែមួយមុខនេះប៉ុណ្ណោះ។

សូមបញ្ជាក់ដែរថា Mint chocolate ត្រូវបានគេស្គាល់យ៉ាងទូលំទូលាយ។ ដោយសារតែម៉ឺនុយនេះបានក្លាយជាភេសជ្ជៈដ៏លេចធ្លោរបស់ហាងកាហ្វេ ThinkLab creative space and cafe របស់គណបក្សភឿថៃ ហើយវាក៏ជាភេសជ្ជៈសំណព្វរបស់លោកស្រី Paetongtarn Shinawatra និងជាកូនស្រីរបស់លោក ថាក់ស៊ីន ស៊ីណាវ៉ាត្រា អតីតនាយករដ្ឋមន្ត្រីថៃផងដែរ៕