លោក Biden អនុម័ត ជំនួយការពារជាតិ ៣៤៥ លានដុល្លារ ឲ្យកោះតៃវ៉ាន់

ប្រធានាធិបតីអាមេរិកលោក Joe Biden បានយល់ព្រមផ្តល់ជំនួយការពារជាតិក្នុងទំហំទឹកប្រាក់ដល់ទៅ៣៤៥លានដុល្លារ ដល់កោះតៃវ៉ាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលលោក Biden បាននិយាយម្តងហើយម្តងទៀតថា ខ្លួនព្យាយាមរក្សាស្ថានភាពនៅទូទាំងច្រកសមុទ្រតៃវ៉ាន់ ហើយនៅតែប្តេជ្ញាចិត្តចំពោះកិច្ចព្រមព្រៀងពីមុន រវាងសហរដ្ឋអាមេរិក និងចិន ទាក់ទងកោះតៃវ៉ាន់។

ទោះបីជាយ៉ាងណាក៏ដោយ ជំនួយនេះក៏កើតឡើងផងដែរ ចំពេលមានបញ្ហាផ្នែកទំនាក់ទំនងយោធានិងយោធារវាងសហរដ្ឋអាមេរិកនិងចិន។

ភាពតានតឹងបានកើនឡើងខ្លាំងរវាងសហរដ្ឋអាមេរិក និងសាធារណៈរដ្ឋប្រជាមានិតចិន ក្នុងរយៈពេលប៉ុន្មានឆ្នាំចុងក្រោយនេះ ដែលភាគច្រើនគឺដោយសារតែបញ្ហាកោះតៃវ៉ាន់ និងជម្លោះទឹកដីនៅសមុទ្រចិនខាងត្បូង។

ជំនួយនេះគឺបន្ថែមលើការលក់ឧបករណ៍យោធា និងសព្វាវុធជិត១៩ពាន់លានដុល្លារ ដែលសហរដ្ឋអាមេរិកបានអនុម័ត កោះសម្រាប់តៃវ៉ាន់។

សហរដ្ឋអាមេរិក បានគាំទ្រជាផ្លូវការនូវគោលនយោបាយចិនតែមួយ ដែលទទួលស្គាល់ថា តៃវ៉ាន់ជាផ្នែកនៃប្រទេសចិនដីគោក។

ជាក់ស្តែង សហរដ្ឋអាមេរិក​មិន​ទទួល​ស្គាល់​រដ្ឋាភិបាល​តៃវ៉ាន់​ទេ ប៉ុន្តែ​មាន​ទំនាក់ទំនង​សេដ្ឋកិច្ច ហើយ​ច្បាប់​របស់​អាមេរិក​តម្រូវឲ្យ​រដ្ឋាភិបាល​ចាត់​ទុក​ការ​គំរាម​កំហែង​មក​លើ​កោះ​នេះ​ថា​ជា ការ​ព្រួយ​បារម្ភ​យ៉ាង​ធ្ងន់ធ្ងរ៕

ប្រែសម្រួល៖ Vann Vann

ប្រភព៖ Sputnik

ចុចអាន៖ អាមេរិក សម្រេចលក់អាវុធឲ្យ តៃវ៉ាន់ ក្នុងទំហំទឹកប្រាក់ ៤៤០ លានដុល្លារ