តម្លៃត្រីពីរ៉ាន់ញ៉ា លើទីផ្សារអន្តរជាតិ

ទោះបីការចិញ្ចឹម និងជួញដូរត្រីពីរ៉ាន់ញ៉ា គឺជារឿងខុសច្បាប់ក្នុងប្រទេសជាច្រើនក៏ដោយ ប៉ុន្តែនៅតំបន់ខ្លះ ក៏មានការអនុញ្ញាតឲ្យចិញ្ចឹម និងលក់ដូរត្រីប្រភេទនេះដែរ ។

យ៉ាងណា ត្រីនេះមិនមែនមានតែមួយប្រភេទឡើយ ពោលគឺមានច្រើនប្រភេទ ហើយតម្លៃរបស់វាក៏ខុសគ្នាតាមប្រភេទនីមួយៗដូចគ្នា ។

ដូចនេះ កម្ពុជាថ្មី សូមបង្ហាញតម្លៃត្រីពីរ៉ាន់ញ៉ា ៦ ប្រភេទ ដែលគេនិយមទិញលើទីផ្សារអន្តរជាតិ៖

១. ត្រីពីរ៉ាន់ញ៉ាពោះក្រហម

ត្រីពីរ៉ាន់ញ៉ាពោះក្រហមដែលនៅតូចអាចមានតម្លៃចន្លោះពី ១០ ទៅ ៣០ ដុល្លារ ប៉ុន្តែតម្លៃនឹងកើនតាមទំហំ ។ ដូច្នេះត្រីពីរ៉ាន់ញ៉ាទំហំពី ១២ ទៅ ១៥ សង់ទីម៉ែត្រមានតម្លៃប្រហែល ៩០ ដុល្លារ ។

២. ត្រីពីរ៉ាន់ញ៉ាខ្មៅ

ត្រីពីរ៉ាន់ញ៉ាខ្មៅ ឬត្រីពីរ៉ាន់ញ៉ាភ្នែកក្រហមទំហំចាប់ពី ២ ទៅ ៥ សង់ទីម៉ែត្រមានតម្លៃប្រហែល ៣០ ដុល្លារ ចំណែកឯត្រីទំហំ ២៥ សង់ទីម៉ែត្រមានតម្លៃប្រហែល ៦៥០ ដុល្លារ ។

៣. ត្រីពីរ៉ាន់ញ៉ា Hollandi

ត្រីពីរ៉ាន់ញ៉ាប្រភេទនេះច្រើនលក់ក្នុងតម្លៃ ៣០ ដុល្លារ ហើយមានទំហំ ៦ សង់ទីម៉ែត្រ ។

៤. ត្រីពីរ៉ាន់ញ៉ា Wimple

ត្រីពីរ៉ាន់ញ៉ា Wimple មានទំហំធំបំផុត ១០ សង់ទីម៉ែត្រ ហើយគេលក់វាក្នុងតម្លៃ ២០ ទៅ ៣០ ដុល្លារ បើមានទំហំ ៥ សង់ទីម៉ែត្រ ។

៥. ត្រីពីរ៉ាន់ញ៉ា Marginatus

ត្រីពីរ៉ាន់ញ៉ា Marginatus មានតម្លៃ ១០០ ដុល្លារ សម្រាប់ទំហំ ៥ ទៅ ៨ សង់ទីម៉ែត្រ ។

៦. ត្រីពីរ៉ាន់ញ៉ា Ternetzi

ត្រីប្រភេទនេះមិនសូវមានកូនដើម្បីលក់ទេព្រោះវាពិបាកចាប់ ដូច្នេះត្រីទំហំ ១០ សង់ទីម៉ែត្រទូទៅមានតម្លៃប្រហែល ៦០ ដុល្លារ ។

គួរបញ្ជាក់ថា ថ្លៃចិញ្ចឹមត្រីពីរ៉ាន់ញ៉ាក៏មានតម្លៃខ្ពស់ដែរ ដោយសារយើងត្រូវទិញអាង គ្រួស រុក្ខជាតិលម្អ ម៉ាស៊ីនកម្ដៅ អំពូល ចំណី និងគ្រឿងដាក់ទឹកឲ្យដូចប្រភពដើមរបស់វា ៕

ប្រែសម្រួល៖ វារី

ប្រភព៖ fishtankreport

ចុចអាន៖ តើប្រទេសណាខ្លះ ហាមឃាត់ការចិញ្ចឹមត្រីពីរ៉ាន់ញ៉ា?